ପରଲୋକରେ ପୂର୍ବତନ କ୍ରିକେଟର ତଥା ବିସିସିଆଇ କ୍ୟୁରେଟର କସ୍ତୁରୀରଙ୍ଗନ

ବେଙ୍ଗାଲୁରୁ (ଏଟିଆର ବ୍ୟୁରୋ): ପୂର୍ବତନ କ୍ରିକେଟର ତଥା ବିସିସିଆଇ ପ୍ରଶାସକ ଓ କ୍ୟୁରେଟର ଗୋପାଲସ୍ୱାମୀ କସ୍ତୁରୀରଙ୍ଗନଙ୍କର ବୁଧବାର ପରଲୋକ ହୋଇଛି। ୮୯ ବର୍ଷରେ କସ୍ତୁରୀରଙ୍ଗନ ଚାମରାଜାପେଟସ୍ଥିତ ତାଙ୍କ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ହୃଦଘାତ ଯୋଗୁ ତାଙ୍କର ପରଲୋକ ହୋଇଥିବା କର୍ଣ୍ଣାଟକ ଷ୍ଟେଟ୍ କ୍ରିକେଟ୍ ଆସୋସିଏସନ (କେଏସସିଏ)ମୁଖପାତ୍ର ବିନୟ ମୃତ୍ୟୁଞ୍ଜୟ ଏହି ସୂଚନା ଦେଇଛନ୍ତି। ସେ ୧୯୪୮-୬୩ ମସିହା ପର୍ୟ୍ୟନ୍ତ ମୈସୁର ପକ୍ଷରୁ ଅଧିକାଂଶ ରଣଜୀ ଟ୍ରଫି ମ୍ୟାଚ୍ ଖେଳିଥିଲେ।ସେ ଡାହାଣ ହାତି ବୋଲର ଥିଲେ । ତାଙ୍କ ପରଲୋକ ଖବର କ୍ରିକେଟ୍ ଜଗତରେ ଶୋକର ଛାୟା ଖେଳାଇ ଦେଇଛି। କସ୍ତୁରୀରଙ୍ଗନଙ୍କ ମୃତ୍ୟୁ ଖବରରେ ପୂର୍ବତନ କ୍ରିକେଟର ଅନୀଲ କୁମ୍ବଲେ ଶୋକବ୍ୟକ୍ତ କରିଛନ୍ତି ।