ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କର ୭୬ତମ ଜନ୍ମ ଜୟନ୍ତି । ଏହି ଅବସରରେ ତାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କଂଗ୍ରେସ ନେତା ରାହୁଲ ଗାନ୍ଧି ଶ୍ରଦ୍ଧାଞ୍ଜଳୀ ଅର୍ପଣ କରିଛନ୍ତି ।
ମୋଦି ଟ୍ୱିଟ କରି ଲେଖିଛନ୍ତି କି ,ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ରାଜୀବ ଗାନ୍ଧୀ ଜୀଙ୍କୁ ତାଙ୍କ ଜନ୍ମ ଜୟନ୍ତିରେ ଶ୍ରଦ୍ଧାଞ୍ଜଳୀ ।
On his birth anniversary, tributes to former Prime Minister Shri Rajiv Gandhi Ji.
— Narendra Modi (@narendramodi) August 20, 2020
ସେହିପରି ରାହୁଲ ଗାନ୍ଧୀ ତାଙ୍କ ପିତାଙ୍କୁ ମନେପକାଇ କହିଛନ୍ତି କି, ରାଜୀବ ଗାନ୍ଧୀ ତାଙ୍କ ସମୟରେ ଜଣେ ଆଗୁଆ ବ୍ୟକ୍ତି ଥିଲେ ଏବଂ ସେ ଜଣେ ଦୟାଳୁ ଓ ସ୍ନେହୀ ବ୍ୟକ୍ତି ମଧ୍ୟ ଥିଲେ । ଆପଣ ମୋ ପିତା ବୋଲି ମୁଁ ଭାଗ୍ୟଶାଳୀ ଏବଂ ଗର୍ବିତ । ଆମେ ଆପଣଙ୍କୁ ନିୟମିତ ମନେ ପକାଉଛୁ ।
୧୯୪୪ ମସିହା ଅଗଷ୍ଟ ୨୦ ରେ ଜନ୍ମିତ ରାଜୀବ ଗାନ୍ଧୀ ୧୯୮୪ ମସିହା ଅକ୍ଟୋବରରେ ପଦ ସମ୍ଭାଳିବା ପରେ ଭାରତର ସବୁଠାରୁ ଯୁବା ପ୍ରଧାନମନ୍ତ୍ରୀ ହୋଇଥିଲେ । ସେ ୧୯୮୯ ମସିହା ଡିସେମ୍ବର ୨ ତାରିଖ ଯାଏଁ ଭାରତର ପ୍ରଧାନମନ୍ତ୍ରୀ ରୁପେ କାର୍ଯ୍ୟଭାରତ ସମ୍ଭାଳିଥିଲେ ।
