ନୂଆଦିଲ୍ଲୀ(ଏଟିଆର ବ୍ୟୁରୋ):କୋରୋନା ପାଇଁ ଏବେ ବଦଳିଛି ମୋଟରଜାନର ମାର୍କେଟ ପରିସ୍ଥିତି । ମହାମାରୀ କରୋନା ଭାଇରସ ଯୋଗୁଁ ଲକଡାଉନ ସମୟରେ କାର କଂପାନୀର ବିକ୍ରି ସବୁଠାରୁ ନିମ୍ନ ସ୍ତରରେ ଅଛି ।କିନ୍ତୁ ଦେଶରେ ଅନଲକ ପ୍ରକ୍ରିୟା ଆରମ୍ଭ ହେବା ପରେ କଂପାନୀମାନେ କ୍ଷତିଭରପୂରଣ କରିବାରେ ଲାଗିପଡିଛନ୍ତି । ଏଥିପାଇଁ କାର କମ୍ପାନୀ ଗୁଡିକ ନିଜର ମଡେଲ ଉପରେ ରିହାତି ଏବଂ ବେନିଫିଟ୍ସ ଅଫର ଆଣିଛନ୍ତି । ବେସି ଭଲ ରିହାତି ରହିଛି ମାରୁତି କାର ଉପରେ । ଅଗଷ୍ଟ ମାସରେ ଅଲଟୋ ୮୦୦ ଠାରୁ ଆରମ୍ଭ କରି ଏସ-ପ୍ରେସୋ ଭଳି କାର ରିହାତିରେ କିଣା ଯାଇପାରିବ । କାରଣ ଏହାର ମୂଲ୍ୟ କିଛି ମାତ୍ରାରେ କମ ହେବା ସହ ରିହାତି ମଧ୍ୟ କରିଛି ।
କଂପାନୀ ଏହି ଛୋଟ ଏସୟୁଭି କାରକୁ ଚଳିତ ମାସ ୫୦ ହଜାର ଟଙ୍କା ରିହାତିରେ ଦେଉଛି । ଏଥିରେ ୨୫ ହଜାର ଟଙ୍କା ରିହାତି, ୨୦ ହଜାର ଯାଏଁ ଏକ୍ସଚେଞ୍ଜ ରିହାତି ଏବଂ ୫୦୦୦ ଯାଏଁ କର୍ପୋରେଟ ରିହାତି ସାମିଲ ଅଛି । ଏହି ଲୋକପ୍ରିୟ କାର ଉପରେ କଂପାନୀ ୧୮ ହଜାର ଟଙ୍କା କ୍ୟାଶ ରିହାତି, ୧୫ ହଜାର ଟଙ୍କା ଯାଏଁ ଏକ୍ସଚେଞ୍ଜ ବୋନସ ଏବଂ ୩୦୦୦ ଟଙ୍କା ଯାଏଁ ଏକ୍ସଚେଞ୍ଜ ବୋନସ ମିଳିବ । ଚଳିତ ମାସରେ ଏହି କାର କିଣିଲେ ୩୬ ହଜାର ଟଙ୍କା ଯାଏଁ ରିହାତି ମିଳିପାରିବ ।
ମାରୁତିର ୱାଗନ ଆର ଚଳିତ ମାସରେ ୩୩ ହଜାର ଟଙ୍କା ପର୍ୟ୍ୟନ୍ତ ରିହାତିରେ ମିଳିବ । ଏଥିରେ କ୍ୟାଶ ଡିସକାଉଣ୍ଟ, ଏକ୍ସଚେଞ୍ଜ ବୋନସ ଏବଂ କର୍ପୋରେଟ ରିହାତି ସାମିଲ ଅଛି । ଅଗଷ୍ଟ ମାସରେ ସୁଇଫ୍ଟ ଏବଂ ଡିଜାୟର ମଧ୍ୟ କ୍ରମଶଃ ୩୫ ହଜାର ଏବଂ ୪୦ ହଜାର ରିହାତିରେ ମିଳିପାରିବ । ଏହା ବ୍ୟତୀତ ବ୍ରେଜା ଓ ଆର୍ଟିଗାରେ ମଧ୍ୟ ରିହାତି ରହିଛିନ । କାର କମ୍ପାନୀ ଗୁଡିକ ନିଜର କ୍ଷତି ପୂରଣ କରିବା ପାଇଁ ଡିସ୍କାଉଣ୍ଟ ଆରମ୍ଭ କରିଛନ୍ତି ।
