ମ୍ବାଇ(ଏଟିଆର ବ୍ୟୁରୋ): ଦିନକୁ ଦିନ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ରହସ୍ୟ ଖୋଲିବାକୁ ଲାଗିଛି । ଏହା ସହିତ ଜଣ ଜଣ କରି ସାକ୍ଷୀ ମଧ୍ୟ ଆଗକୁ ଆସୁଛନ୍ତି । ତେଣୁ ସିବିଆଇ ଏହି ମାମଲାର ତଦନ୍ତ ଆରମ୍ଭ କରି ସାରିଛି । ଏହା ଭିତରେ ମୁହଁ ଖୋଲିଛନ୍ତି ଗୌରବ ଆର୍ଯ୍ୟା । ଗୌରବ ଆର୍ୟାଙ୍କ ସହ ରିୟା ଚକ୍ରବର୍ତୀଙ୍କ ହ୍ୱାଟ୍ସଆପ ଚାଟ ସାମ୍ନାକୁ ଆସିଥିଲା । ଏହି ଚାଟରୁ ଡ୍ରଗ୍ସ ଡ଼ିଲିଙ୍ଗ ମାମଲା ସାମ୍ନାକୁ ଆସିଥିଲା । ଶନିବାର ଦିନ ପ୍ରଥମଥର ପାଇଁ ଗୌରବ ଆର୍ୟାକୁ କ୍ୟାମେରା ସାମ୍ନାରେ ଦେଖିବାକୁ ମିଳିଥିଲା । ତେଣୁ ସୋମବାର ଦିନ ଇଡି ଗୌରବକୁ ପଚରାଉଚୁରା କରିବ ।
ଗୋଆ ବିମାନବନ୍ଦରରେ ଗୌରବ ଆର୍ଯ୍ୟା କହିଥିଲେ ଯେ, ସୁଶାନ୍ତଙ୍କ ମାମଲା ସହ ତାଙ୍କର କୌଣସି ସମ୍ବନ୍ଧ ନାହିଁ । ସେ କେବେ ସୁଶାନ୍ତ ସିଂହ ରାଜପୁତଙ୍କୁ ଭେଟି ନଥିଲେ କିନ୍ତୁ ରିୟା ଚକ୍ରବର୍ତୀଙ୍କୁ ୨୦୧୭ ମସିହାରେ ଭେଟିଥିଲେ ବୋଲି କହିଥିଲେ । ଗୌରବ ଆର୍ଯ୍ୟାଙ୍କୁ ସିବିଆଇ ମଧ୍ୟ ଜେରା କରି ପାରନ୍ତି ବୋଲି ଜଣା ପଡିଛି ।
