ନୂଆଦିଲ୍ଲୀ(ଏଟିଆର ବ୍ୟୁରୋ):ପ୍ରଧାନମନ୍ତ୍ରୀ ନରେନ୍ଦ୍ରମୋଦିଙ୍କର ବ୍ୟକ୍ତିଗତ ଟ୍ୱିଟର ଆକାଉଣ୍ଟ(@narendramodi_in))ଓ ନରେନ୍ଦ୍ର ମୋଦି ଅଫିସିଆଲ ଟ୍ୱିଟର ଆକାଉଣ୍ଟ ବୁଧବାର ମଧ୍ୟ ରାତ୍ରରେ ହ୍ୟାକ ହୋଇଥିବା କଥା ଜଣା ପଡିଛି । ଏହା ସହିତ ହ୍ୟାକ କରିବା ପରେ କୋଭିଡ -୧୯ର ମୁକାବିଲା ପାଇଁ ପିଏମ୍ ନ୍ୟାସନାଲ ଫଣ୍ଡକୁ ଆର୍ଥିକ ଭାବେ ସହାୟତା କରିବା ପାଇଁ ମଧ୍ୟ ଫୋଲର୍ସଙ୍କୁ କୁହାଯାଇଥିଲା । ଟ୍ୱିଟର ପକ୍ଷରୁ ସ୍ପଟ କରାଯାଇଛି ଯେ ଜନ୍ ୱିକ (hckindia@tutanota.com) ପକ୍ଷରୁ ପ୍ରଧାନମନ୍ତ୍ରୀଙ୍କ ଆକାଉଣ୍ଟ ହ୍ୟାକ କରାଯାଇଛି । ପ୍ରଧାନମନ୍ତ୍ରୀ ମୋଦିଙ୍କର ଏହି ବ୍ୟକ୍ତିଗତ ଟ୍ୱିଟର ଆକାଉଣ୍ଟର ଅନେକ ପ୍ରସଂଶକ ରହିଛନ୍ତି । ତାଙ୍କୁ ଟ୍ୱିଟରରେ ପ୍ରାୟ ୨.୫ ମିଲିୟନ ଲୋକେ ଫୋଲ କରୁଛନ୍ତି । ଏହା ଛଡା ତାଙ୍କର ଅନ୍ୟ ଅଫିସିଆଲ ଆକାଉଣ୍ଟରେ ୩୦ ମିଲିୟନରୁ ଅଧିକ ଫଲୋର୍ସ ରହିଛନ୍ତି । କହିବାକୁ ଗଲେ ରାଜନେତାଙ୍କ ମଧ୍ୟରୁ ପିଏମ୍ ମୋଦିଙ୍କର ଏହି ଆକାଉଣ୍ଟ ଅନେକ ଲୋକପ୍ରିୟତା ପାଇଛି । ଏହା ପୂର୍ବରୁ ଯୁକ୍ତରାଷ୍ଟ୍ର ଆମେରିକାର ପୂର୍ବତମ ରାଷ୍ଟ୍ରପତି ବାରାକ ଓବାମା ଓ ଅନେକ ବିଶିଷ୍ଟ ବ୍ୟକ୍ତିଙ୍କର ଆକାଉଣ୍ଟକୁ ମଧ୍ୟ ହ୍ୟାକ କରାଯାଇଥିଲା ।
