ଭୁବନେଶ୍ୱର (ଏଟିଆର ବ୍ୟୁରୋ): ଉତ୍କଳ ବିଶ୍ୱ ବିଦ୍ୟାଳୟ ଅଧୀନରେ ଥିବା କଲେଜଗୁଡିକର ଯୁକ୍ତ ତିନି ଶେଷ ବର୍ଷର ଷଷ୍ଠ ସେମିଷ୍ଟାର ପରୀକ୍ଷା ଆସନ୍ତା ସେପ୍ଟେମ୍ବର ୨୯ତାରିଖରେ ହେବାକୁ ଯାଉଛି । ଏହି ପରୀକ୍ଷା ଆସନ୍ତା ସେପ୍ଟେମ୍ବର ୨୯ରୁ ଆରମ୍ଭ ହୋଇ ଅକ୍ଟୋବର ୩ତାରିଖ ଯାଏ ହେବ । ତେବେ ସେପ୍ଟେମ୍ବର ୨୨ରୁ ୨୬ ତାରିଖ ମଧ୍ୟରେ ପ୍ରାକ୍ଟିକାଲର ପରୀକ୍ଷା ହେବ । ଏହି ପ୍ରାକ୍ଟିକାଲ ପରୀକ୍ଷାଟି ଅନଲାଇନରେ ହେବ ।
ଅନ୍ୟପଟେ ଯେଉଁ ଛାତ୍ରଛାତ୍ରୀଙ୍କ ପାଖରେ ଅନଲାଇନ ପରୀକ୍ଷାର ସୁବିଧା ନଥିବ ସେମାନେ କଲେଜକୁ ଆସି ପରୀକ୍ଷା ଦେବେ । ଏହାପରେ ଥିଓରି ପେପର ପାଇଁ ୧ଘଣ୍ଟିଆ ପରୀକ୍ଷା ବ୍ୟବସ୍ଥା କରାଯାଇଛି । ଏହି ଘଣ୍ଟାଟେ ମଧ୍ୟରେ ଛାତ୍ରଛାତ୍ରୀଙ୍କର ଓଏମଆର ବେସଡ ମଲ୍ଟିପୁଲ ଚଏସ ଥିଓରୀରେ ପରୀକ୍ଷା କରାଯିବ । ତେବେ ପରୀକ୍ଷାର୍ଥୀମାନେ ଚାହିଁଲେ ପାଖ କଲେଜରେ ଅନୁମତି ନେଇ ପରୀକ୍ଷା ଦେଇପାରିବେ ।
