ଭୁବନେଶ୍ୱର (ଏଟିଆର ବ୍ୟୁରୋ): ଆଜିଠାରୁ ରାଜ୍ୟସଭାର ମୌସୁମୀ ଅଧିବେଶନ ଆରମ୍ଭ ହୋଇଛି । ଚଳିତବର୍ଷର ମୌସୁମୀ ଅଧିବେଶନ ସମୟରେ ରାଜ୍ୟସଭା ଉପାଧ୍ୟକ୍ଷ ନିର୍ବାଚନ ହେବ । ତେବେ ଉପାଧ୍ୟକ୍ଷ ପ୍ରାର୍ଥୀ ନିମନ୍ତେ ଜେଡିୟୁ ପକ୍ଷରୁ ହରିବଂଶ ନାରାୟଣ ସିଂ ପ୍ରାର୍ଥୀ ହୋଇଥିବା ବେଳେ ୟୁପିଏ ପକ୍ଷରୁ ମନୋଜ ଝା ପ୍ରାର୍ଥୀ ହୋଇଛନ୍ତି । ତେବେ ଜେଡୁୟୁର ପ୍ରାର୍ଥୀ ହରିବଂଶ ନାରୟଣ ସିଂଙ୍କୁ ସମର୍ଥନ କରିବା ପାଇଁ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଗତ ସପ୍ତାହରେ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମ ନବୀନ ପଟ୍ଟନାୟକ ଫୋନ ଯୋଗେ ଅନୁରୋଧ କରିଥିଲେ ।
ତେବେ ଆଜି ବିଜେଡି ପକ୍ଷରୁ ରାଜ୍ୟସଭା ଉପାଧ୍ୟକ୍ଷ ପ୍ରାର୍ଥୀ ହରିବଂଶ ନାରାୟଣ ସିଂଙ୍କୁ ସମର୍ଥନକରିବା ନେଇ ଘୋଷଣା କରାଯାଇଛି । ତେବେ ୨୪୫ ସଦସ୍ୟ ବିଶିଷ୍ଟ ଗୃହରେ ସଂଖ୍ୟା ଗରିଷ୍ଠତା ହେଉଛି ୧୨୩ । ଏନଡିଏ ସମର୍ଥନରେ ଜିଡିୟୁ ପାଖରେ ୧୦୧ଟି ସିଟ ଥିବା ବେଳେ ଏଆଇଏଡିଏମକେ ପାଖରେ ୯ଟି, ବିଜେଡି ପାଖରେ ୯ଟି, ଟିଆରଏସ ପାଖରେ ୭, ୱାଏସଇସିପି ପାଖରେ ୬ଟି ସିଟ ରହିଛି ।
ଏହି ଦଳ ଗୁଡ଼ିକୁର ସିଟ ସଂଖ୍ୟା ହେଉଛି ୩୧ ଯେଉଁମାନେ କି ଗତ ଥର ଏନଡିଏ କୁ ସମର୍ଥନ କରିଥିଲେ । ତେଣୁ ଏଥର ଏହି ଦଳ ଗୁଡ଼ିକ ଏନଡିଏ କୁ ସମର୍ଥନ କଲେ ହରିବଂଶ ନିଦ୍ବନ୍ଦରେ ନିର୍ବାଚିତ ହେବେ । ସେପଟେ କଂଗ୍ରେସ ଏବଂ କଂଗ୍ରେସ ସମର୍ଥିତ ଦଳ ଗୁଡ଼ିକ ପାଖରେ ୬୫ ସଦସ୍ୟଙ୍କ ସମର୍ଥନ ରହିଛି । ତେବେ ଏବେ ସମସ୍ତଙ୍କ ନଜର ଆଜି ହେବାକୁଥିବା ରାଜ୍ୟସଭା ଉପାଧ୍ୟକ୍ଷ ନିର୍ବାଚନ ଉପରେ ।
