ୱାସିଙ୍ଗଟନ(ଏଟିଆର ବ୍ୟୁରୋ):ଚାଇନିଜ୍ ଆପ ଟିକଟକ୍ କୁ ଭାରତରେ ବ୍ୟାନ କରାଯାଇଥିଲା । ଏହା ପରେ ଆମେରିକା ମଧ୍ୟ ଏହାକୁ ବ୍ୟାନ କରିବା ପାଇଁ ନିଷ୍ପତି ନେଇଥିଲା । କିନ୍ତୁ ଏହି ଆପକୁ ଏବେ କିଣିବ ଆମେରିକାର କପ୍ପାନୀ ଓରାକଲ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚୀନ୍ ର ଭିଡିଓ ସେୟାରିଂ ଆପ୍ କମ୍ପାନୀ ବାଇଟ୍ ଡାନ୍ସକୁ କିଣିବା ପାଇଁ ଆମେରିକାର ସଫ୍ଟଓ୍ବେୟାର କମ୍ପାନୀ ଓରାକଲକୁ ମଞ୍ଜୁରୀ ପ୍ରଦାନ କରିଛନ୍ତି । ଟ୍ରମ୍ପ ରବିବାର ଦିନ ଗଣମାଧ୍ୟମକୁ କହିଛନ୍ତି ଯେ, ୱାଲମାର୍ଟ ମଧ୍ୟ ଏହି ଚୁକ୍ତିରେ ଭାଗ ନେବ । ୱାଲମାଟ ଟେକ୍ସାସ୍ ରେ ନୂଆ କମ୍ପାନୀର ନିର୍ମାଣର ତଦାରଖ କରିବ । ଆମେରିକା ଟିକ୍ ଟକ୍ ର ସଞ୍ଚାଳନା କରିବ । ଟ୍ରମ୍ପ କହିଛନ୍ତି ଯେ, ଏହି ଚୁକ୍ତିରେ ଏକ ଶିକ୍ଷା କାର୍ୟ୍ୟକ୍ରମ ପାଇଁ ୫ ଅରବ ଡଲାରର ଦାନ ସାମିଲ ରହିବ । ଶୁକ୍ରବାର ଦିନ ବାଇଟ୍ ଡାନ୍ସ କୋଲମ୍ବିଆର ଜିଲ୍ଲା କୋର୍ଟରେ ଟ୍ରମ୍ପ ପ୍ରଶାସନର ଟିକ୍ ଟକ୍ କୁ ଆମେରିକାରେ ବନ୍ଦ କରିବାକୁ ଚ୍ୟାଲେଞ୍ଜ ଦେଇ ଏକ ଅଭିଯୋଗ ଦାଖଲ କରିଛି । ଗତ ମାସରେ ଟ୍ରମ୍ପ୍ ୧୫ ସେପ୍ଟେମ୍ବର ସୁଦ୍ଧା ଟିକ୍ ଟକ୍ ଏବଂ ଓ୍ବି ଚାଟ୍ କୁ ବ୍ୟାନ୍ କରିବାକୁ ସରକାରୀ ନିର୍ଦ୍ଦେଶନାମାରେ ଦସ୍ତଖତ କରିଥିଲେ । ଟ୍ରମ୍ପ୍ କହିଥିଲେ ଯେ, ଆମ ପାଖରେ କିଛି ବଡ ବିକଳ୍ପ ରହିଛି ଏବଂ ଆମେ ବୋଧହୁଏ ଅନେକ ଲୋକଙ୍କୁ ଖୁସି କରିପାରିବୁ କିନ୍ତୁ ସୁରକ୍ଷା ମଧ୍ୟ ଆମର ଆବଶ୍ୟକତା । ଆମକୁ ଚୀନ୍ ଠାରୁ ପୂରା ସୁରକ୍ଷା ଆବଶ୍ୟକତା ରହିଛି । ତେଣୁ ଏହାକୁ ଆମେ କିଣି କିଛି ଭଲ ଉପାୟରେ କାମରେ ଲଗାଇ ପାରିବା ।
