ନୂଆଦିଲ୍ଲୀ (ଏଟିଆର ବ୍ୟୁରୋ): ରାଜ୍ୟସଭାରେ ବିଶୃଙ୍ଖଳିତ ଆଚରଣ କରିବା ଫଳରେ ରାଜ୍ୟସଭା ଅଧ୍ୟକ୍ଷ ୮ଜଣ ସାଂସଦଙ୍କୁ ନିଲମ୍ବିତ କରିଛନ୍ତି । ରାଜ୍ୟସଭା ଅଧ୍ୟକ୍ଷ ସାଂସଦମାନଙ୍କୁ ଏକ ସପ୍ତାହ ପାଇଁ ନିଲମ୍ବିତ କରିଛନ୍ତି । ସୂନନାନୁଯାୟୀ, ଗତକାଲି ରାଜ୍ୟସଭାରେ କୃଷି ବିଲ ଆଗତ ହେବା ପରେ ଟିଏମସି ସାଂସଦ ଡେରେକ ଓବ୍ରାମନ ଗୃହର ଉପାଧ୍ୟକ୍ଷ ହରିବଂଶ ନାରାୟଣଙ୍କ ନିକଟକୁ ଯାଇ ସଂସଦର ରୁଲବୁକ ଚିରି ଦେଇଥିଲେ ।
କେବଳ ସେତି କି ନୁହେଁ, ଉପାଧ୍ୟକ୍ଷଙ୍କ ମାଇକ ଛଡାଇବାକୁ ମଧ୍ୟ ଚେଷ୍ଟା କରିଥିଲେ । ତେବେ ଆମ ଆଦମୀ ପାର୍ଟି ସାଂସଦ ସଞ୍ଜୟ ସିଂ ମାଇକ ଭାଙ୍ଗି ଦେଇଥିଲେ । ତେବେ ଗୃହରେ ଏହିଭଳି ବିଶୁଙ୍ଖଳତାକୁ ଦେଖି ଅଧ୍ୟକ୍ଷ ତୀବ୍ର ଅସନ୍ତୋଷ ପ୍ରକାଶ କରିଥିଲେ ।
ଯାହାପରେ ଏହା ବାବଦରେ ଉପରାଷ୍ଟ୍ରପତି ଭେଙ୍କୟା ନାଇଡୁଙ୍କ ବାସଭବନରେ ଏକ ଉଚ୍ଚସ୍ତରୀୟ ବୈଠକ ବସିଥିଲା । ତେବେ କୃଷି ବିଲ ଆଲୋଚନା ବେଳେ ହଙ୍ଗାମା କରିଥିବା ୮ ସାଂସଦ ଡ଼େରିକ ଓ’ ବ୍ରାଏନ, ସଞ୍ଜୟ ସିଂହ, ରାଜୁ ସତାଭ, କେକେ ରଗେଶ, ରପୁନ ବୋରା, ଡ଼ୋଲା ସେନ, ସୟଦ ନାଜିର ହୁସେନ, ଏଲାମରନ କରିମଙ୍କୁ ନିଲମ୍ବନ କରାଯାଇଥିବା ସୂଚନା ମିଳିଛି ।
