ମୁମ୍ବାଇ (ଏଟିଆର ବ୍ୟୁରୋ): ଅଭିନେତା ସୁଶାନ୍ତ ସିଂଙ୍କ ମୃତ୍ୟୁର ରହସ୍ୟ ଉପରୁ ପରଦା ହଟାଇବା ପାଇଁ ସିବିଆଇ ନିଜର ଜାଞ୍ଚ ପ୍ରକିୟା ଜୋରଦାର କରିଥିବା ବେଳେ ବଲିଉଡ ସହ ଡ୍ରଗ୍ସର ସଂପୃକ୍ତି ସାମ୍ନାକୁ ଆସଥିଲା । ଏହାପରେ ନାର୍କୋଟିକ୍ସ କଣ୍ଟ୍ରୋଲ ଏହା ଉପରେ ଜାଞ୍ଚ କରିଥିଲା । ଯାହାପରେ ମୁଖ୍ୟ ଅଭିଯୁକ୍ତ କୁହାଯାଉଥିବା ରିୟା ଓ ତାଙ୍କ ଶୋଭିକଙ୍କ ନାମ ସାମ୍ନାକୁ ଆସିଥିଲା ।
ଏମାନଙ୍କ ସହ ଡ୍ରକ୍ସର ସଂପୃକ୍ତିକୁ ନେଇ ନାର୍କୋଟିକ୍ସ କଣ୍ଟ୍ରୋଲ ପକ୍ଷରୁ ପରେ ବିଚାର ବିଭାଗୀୟ ହାଜତ ରଖାଯାଇଥିଲା । ତେବେ ଦୁହେଁ ବିଚାର ବିଭାଗୀୟ ହାଜତରେ ଥିବା ବେଳେ ଜାମିନ ପାଇଁ ହାଇକୋର୍ଟର ଦ୍ୱାରସ୍ଥ ହୋଇଥିଲେ । ହେଲେ ମୁମ୍ବାଇରେ ପ୍ରବଳ ବର୍ଷା ହେବା କାରଣରୁ ମୁମ୍ବାଇ ହାଇକୋର୍ଟଆଜି ବନ୍ଦ ରହିଛି । ଯାହାଫଳରେ ଆଜି ହେବାକୁ ଥିବା ଦୁହିଁଙ୍କର ଜାମିନ ସ୍ଥଗିତ ହୋଇଯାଇଛି ।
ସହରରେ ପ୍ରବଳ ବର୍ଷା ଯୋଗୁଁ ବମ୍ବେ ହାଇକୋର୍ଟର ପ୍ରଧାନ ବିଚାରପତି ଆଜି କୋର୍ଟ ପାଇଁ ଛୁଟି ଘୋଷଣା କରିଛନ୍ତି ବୋଲି ରିୟାଙ୍କର ଓକିଲ ସତୀଶ ମନାସିନ୍ଦେ କହିଛନ୍ତି । ଏହାସହ ଆସନ୍ତା କାଲି ଏହି ମାମଲାର ଶୁଣାଣି ହେବ ଜଣାପଡିଛି । ଏହାପୂର୍ବରୁ ସେପ୍ଟେମ୍ବର ୧୧ ରେ ରିୟା, ତାଙ୍କ ଭାଇ ଏବଂ ଅନ୍ୟ ଅଭିଯୁକ୍ତଙ୍କ ଜାମିନ ଆବେଦନକୁ ସ୍ୱତନ୍ତ୍ର କୋର୍ଟ ପ୍ରତ୍ୟାଖ୍ୟାନ କରିଥିଲେ ।
ଅନ୍ୟପଟେ ଦିନକୁ ଦିନ ରିୟାଙ୍କ ପାଇଁ ଅସୁବିଧା ବଢିବାରେ ଲାଗିଛି । ମଙ୍ଗଳବାର ମୁମ୍ବାଇର ସ୍ୱତନ୍ତ୍ର କୋର୍ଟ ରିୟାଙ୍କ ନ୍ୟାୟିକ ହେପାଜତକୁ ୬ ଅକ୍ଟୋବର ପର୍ୟ୍ୟନ୍ତ ବୃଦ୍ଧି କରିଛନ୍ତି ।
