ନୂଆଦିଲ୍ଲୀ (ଏଟିଆର ବ୍ୟୁରୋ): ନିକଟରେ ଆପଲ ତାର ଅନଲାଇନ ଇଭେଣ୍ଟରେ ଅନେକ ପ୍ରଡକ୍ଟସ ଉପରେ ପର୍ଦ୍ଦା ଉଠାଇଥିଲା । କିନ୍ତୁ ଏହି ଇଭେଣ୍ଟରେ ଆଇଫୋନ ୧୨ ସିରିଜ ଲଞ୍ଚ କରାଯାଇନଥିଲା । ମାତ୍ର ଦୀର୍ଘ ଦିନ ହେବ ଏହି ଫୋନ ପାଇଁ ଅପେକ୍ଷାରେ ରହିଛନ୍ତି ଆଇଫୋନ ଲଭର୍ସ । କିନ୍ତୁ ଗ୍ରାହକଙ୍କୁ ଆଉ ବେଶୀ ଦିନ ଅପେକ୍ଷା କରିବାକୁ ପଡିବ ନାହିଁ । ଅକ୍ଟୋବର ୧୩ ରେ ଆପଲ ଏହି ସିରିଜ୍ ଲଞ୍ଚ କରିବାକୁ ଯାଉଛି । ଏହି ସିରିଜ୍ ରେ କମ୍ପାନୀ ତାର ସବୁଠାରୁ ଛୋଟ ଫୋନ ଆଇଫୋନ୧୨ ମିନି ବି ଲଞ୍ଚ କରିପାରେ । ଏନେଇ ସୋସିଆଲ ମିଡିଆରେ ଲିକ ହୋଇଥିବା ଜାଣିବାକୁ ମିଳିଛି ।
ରିପୋର୍ଟ ମୁତାବକ, ଆଇଫୋନ ୧୨ ସିରିଜ ଭଳି ସ୍ମାର୍ଟଫୋନର ଚାରୋଟି ମଡେଲ ବଜାରକୁ ଆସିପାରେ । ସୋସିଆଲ ମିଡିଆରେ ଆଇଫୋନ ୧୨ ମିନି, ଆଇଫୋନ ୧୨, ଆଇଫୋନ ୧୨ ପ୍ରୋ ଏବଂ ଆଇଫୋନ ୧୨ ମ୍ୟାକ୍ସ ମଡେଲର ଝଲକ ଦେଖିବାକୁ ମିଳିଥିଲା ।
ଆଇଫୋନ ୧୨ ମିନିରେ ୫.୪ ଇଞ୍ଚର ସ୍କ୍ରିନ ଦିଆଯାଇଛି । ଏହି ମଡେଲ ୬୪ ଜିବି, ୧୨୮ ଜିବି ଏଂ ୨୫୬ ଜିବି ଇଂଟରନାଲ ଷ୍ଟୋରେଜ ଅପସନ୍ ରେ ଲଞ୍ଚ ହୋଇପାରେ ।
