ଭୁବନେଶ୍ୱର (ଏଟିଆର ବ୍ୟୁରୋ); ନିଟ୍ ପରୀକ୍ଷାରେ ଶତପ୍ରତିଶତ ମାର୍କ ରଖି ଇତିହାସ ରଚିଥିବା ସୋଏବ ଅଫତାବଙ୍କ ସହ କଥା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ଫୋନ ମାଧ୍ୟମରେ ସୋଏବଙ୍କ ସହ କଥା ହେବା ସହ ତାଙ୍କ ସଫଳତା ପାଇଁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । ଏହାସହିତ ସୋଏବଙ୍କ ଉଜ୍ଜଳ ଭବିଷ୍ୟତ କାମନା କରିଛନ୍ତି ମୁଖ୍ୟମନ୍ତ୍ରୀ । ସେପଟେ ମୁଖ୍ୟମନ୍ତ୍ରୀଙ୍କ ସହ ଫୋନରେ କଥା ହୋଇ ଖୁସୀ ବ୍ୟକ୍ତ କରିଛନ୍ତି ସୋଏବ ।
ନିକଟରେ ନିଟ୍ ପରୀକ୍ଷା ଫଳ ପ୍ରକାଶ ପାଇଥିଲା । ଏହି ପରୀକ୍ଷା ରେ ସର୍ବଭାରତୀୟ ସ୍ତରରେ ପ୍ରଥମ ସ୍ଥାନ ଅଧିକାର କରିଛନ୍ତି ଜଣେ ଓଡିଆ ପୁଅ । ରାଉରକେଲାର ସୋଏବ ଅଫତାବ୍ ୭୨୦ ରୁ ୭୨୦ ମାର୍କ ରଖି ଗୌରବ ଅର୍ଜ୍ଜନ କରିଛନ୍ତି । ପୂର୍ବରୁ ନିଟ୍ ପରୀକ୍ଷାରେ କେହି ପ୍ରଥମ ସ୍ଥାନ ଅଧିକାର କରିନଥିଲେ ।
