ମୁମ୍ବାଇ (ଏଟିଆର ବ୍ୟୁରୋ): ମୁମ୍ବାଇର ନାଗପଡା ସ୍ଥିତ ଏକ ସିଟି ସେଣ୍ଟରରେ ଗତକାଲି ରାତିରେ ଭୟାବହ ଅଗ୍ନିକାଣ୍ଡ ଘଟିଥିଲା । ନିଆଁ ଏତେ ଭୟଙ୍କର ଭାବେ ଲାଗିଥିଲା କି ନିଆଁକୁ ଆୟତ୍ତ କରିବା ଅମ୍ଭବ ହୋଇ ପଡିଥିଲା । ଏଥିରେ ଦୁଇ ଜଣ ଅଗ୍ନିଶମ କର୍ମୀ ଆହତ ହୋଇଥିବା ବେଳେ ପାଖ ବିଲ୍ଡିଂରୁ ୩୫୦୦ ଲୋକଙ୍କୁ ସୁରକ୍ଷିତ ଭାବେ ବାହାରକୁ ବାହାର କରାଯାଇଛି ।
ଗୁରୁବରେ ରାତି ୮ ଟା ୫୩ ରେ ମଲ୍ ରେ ନିଆଁ ଲାଗିଥିଲା । ପ୍ରଥମେ ଏକ ଦୋକାନରେ ନିଆଁ ଲାଗିବା ପରେ ଏହା ଧୀରେ ଧୀରେ ଚାରି ଆଡକୁ ବ୍ୟାପି ଯାଇଥିଲା । ଏହି ସମୟରେ ପ୍ରାୟ ୨୦୦ ରୁ ୩୦୦ ଲୋକ ମଲ ଭିତରେ ଥିଲେ । ଏହାପରେ ଘଟଣାସ୍ଥଳରେ ମୁମ୍ବାଇ ପୋଲିସ ଏବଂ ଅଗ୍ନିଶମ ବିଭାଗ କର୍ମୀ ପହଁଚି ସମସ୍ତ ଲୋକଙ୍କୁ ସୁରକ୍ଷିତ ଭାବେ ବାହାରକୁ ବାହାର କରିଥିଲେ ।
