ଭୁବନେଶ୍ୱର (ଏଟିଆର ବ୍ୟୁରୋ):ବିଶ୍ୱ ରେକର୍ଡ଼ କୁ ପୁଣି ଥରେ ଭାଙ୍ଗିବାକୁ ଯାଉଛି ଅଯୋଧ୍ୟା ।ଆଜି ଅଯୋଧ୍ୟାରେ ୫ଲକ୍ଷ ୫୧ ହଜାର ଦୀପ ଜଳାଇ ଦିପୋତ୍ସବ ପାଳନ କରାଯିବ ।ବିଭିନ୍ନ ଦେଶରୁ ଲୋକମାନେ ଆସି ଏହି ଦିପୋତ୍ସବରେ ସାମିଲ ହୋଇଛନ୍ତି ।ଏଥିରେ ଅଭୁତ ସରୟୁ ଆରତୀର ଆୟୋଜନ ମଧ୍ୟ କରାଯାଇଛି । ଦିପୋତ୍ସବ ପ୍ରସ୍ତୁତି ପାଇଁ ଅଯୋଧ୍ୟା ନଗରୀ କୁ ଆଲୋକରେ ସଜାଯାଇଛି । ସାକେତ ମହାବିଦ୍ୟାଳୟରୁ ଭଗବାନ ରାମଙ୍କ ଜୀବନ ଉପରେ ଆଧାରିତ ୧୧ ଟି ରଥକୁ ଏକା ସାଙ୍ଗରେ ବାହାର କରାଯିବ । ଏବଂ ରଥର ଉପରେ ରାମଙ୍କ ଜୀବନି ଉପରେ ଆଧାରିତ ଭିନ୍ନ ଭିନ୍ନ ପ୍ରଦର୍ଶନୀ ମଧ୍ୟ କରାଯାଇଛି ।
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ସମାରୋହରେ ଯୋଗଦେବେ ବୋଲି କୁହାଯ।।ଇଛି । ଏହା ପରେ ସେ ରାମ ଜନ୍ମଭୂମି ସ୍ଥାନରେ ପହଞ୍ଚି ଦୀପ ପ୍ରଜଳନ କରିବେ ।ଏହାପରେ ସେ ପାର୍କ ରେ ପହଞ୍ଚିବା ପରେ ରାମ , ସୀତା ଓ ଲକ୍ଷ୍ମଣ ତାଙ୍କୁ ସ୍ୱାଗତ କରି ମାଲ୍ୟାର୍ପଣ କରିବେ । ଏବଂ ଏହା ପରେ ସେ ସାୟୁ ଆଳତୀରେ ସାମିଲ ହେବା ପରେ ଦିପୋତ୍ସବର ଶୁଭାରମ୍ଭ କରାଯିବ ।
