ମୁମ୍ବାଇ (ଏଟିଆର୍ ବ୍ୟୁରୋ ):ବଲିଉଡ୍ର ଲୋକପ୍ରିୟ କଣ୍ଠଶିଳ୍ପୀ ନେହା କକ୍କଡ କିଛିଦିନ ତଳେ ନିଜ ଗର୍ଭବତୀ ଖବରକୁ ନେଇ ଚଚ୍ଛାକୁ ଆସିଥିଲେ । ନେହା ୨ମାସ ତଳେ ଅଭିନେତା ରୋହନ ପ୍ରୀତଙ୍କୁ ବିବାହ କରିଥିଲେ । ଏବଂ ହଠାତ୍ ତାଙ୍କ ଗର୍ଭବତୀ ଖବର ଲୋକଙ୍କୁ ଆଶ୍ଚର୍ଯ୍ୟ କରିଦେଇଥିଲା । ଏଥିପାଇଁ ତାଙ୍କ ଫ୍ୟାନ୍ସ ମାନେ ଖୁସି ଥିବା ସହ ଦ୍ୱନ୍ଦରେ ମଧ୍ୟ ପଡିଯାଇଥିଲେ । ଏବଂ ପରେ ନେହା କକ୍କଡ ଓ ରୋହନ ପ୍ରୀତଙ୍କୁ ନେଇ ବହୁତ ସାରା ମେମେ ସୋସିଆଲ ମିଡିଆରେ ଭାଇରାଲ ହେବାକୁ ଲାଗିଲା ।କିନ୍ତୁ ଏହି କଥାକୁ ନେଇ ନେହା ଏ ପର୍ଯ୍ୟନ୍ତ କିଛି ବି କହି ନାହାନ୍ତି । କିନ୍ତୁ ଏବେ ନେହା କକ୍କଡ ଏମିତି ଏକ ଫଟୋ ସେୟାର କଲେ ଯାହା ଏବେ ଫ୍ୟାନ୍ସଙ୍କୁ ଦ୍ୱନ୍ଦରେ ପକାଇ ଦେଇଛି।
ସୂଚାନୁସାରେ ନେହାଙ୍କର ଏକ ନୂଆ ଆଲବମ ରିଲିଜ ହବାକୁ ଯାଉଛି । ଗତକାଲି ନେହା ଇନ୍ଷ୍ଟାଗ୍ରାମ୍ରେ ନିଜ ଆଗାମୀ ମ୍ୟୁଜିକ ଭିଡିଓ “ଖୟାଲ ରଖା କର” ର ଫଟୋ ସେୟାର କରିଥିଲେ । ଏହି ଫଟୋରେ ନେହା ନିଜ ସ୍ୱାମୀ ରୋହନପ୍ରୀତଙ୍କ ସହ ଠିଆ ହୋଇଥିବା ବେଳେ ଏଥିରେ ତାଙ୍କ ବେବି ବମ୍ପ ମଧ୍ୟ ଦେଖିବାକୁ ମିଳିଛି । ଯାହା ଫ୍ୟାନ୍ସଙ୍କୁ ଦ୍ୱନ୍ଦରେ ପକାଇ ଦେଇଥିଲା । ଭିଡିଓ ଟି ଆସନ୍ତା ୨୨ ତାରିଖରେ ମୁକ୍ତିଲାଭ କରିବ ।
