ମୁମ୍ବାଇ(ଏଟିଆର ବ୍ୟୁରୋ):ଆଜି ହେଉଛି ବଲିଉଡ ସୁପରଷ୍ଟାର ସଲମାନ ଖାନଙ୍କ ଜନ୍ମଦିନ । ପ୍ରତି ବର୍ଷ ସଲମାନ ତାଙ୍କ ଜନ୍ମ ଦିନ ଅତି ଧୁମଧାମରେ ପାଳନ କରିଥାନ୍ତି । କରୋନା କଟକଣା ପାଇଁ ସେ ନିଜ ପ୍ରଶଂସକ ମାନଙ୍କୁ ଘର ଆଗରେ ଭିଡ ନଜମାଇବା ପାଇଁ ଅନୁରୋଧ କରିବା ସହ କରୋନା କଟକଣା ପାଳନ କରିବା ପାଇଁ ପରାମର୍ଶ ଦେଇଛନ୍ତି ।
ଚଳିତବର୍ଷ ସମସ୍ତଙ୍କ ପାଇଁ ଅତ୍ୟନ୍ତ ଦୁଖଦାୟକ ଥିବାରୁ ସେ ଏଥର ଜନ୍ମଦିନ ପାଳନ କରିବେ ନାହିଁ ବୋଲି କହିଛନ୍ତି । ଏବଂ ନୂତନ ବର୍ଷ ସମସ୍ତଙ୍କ ପାଇଁ ଖୁସି ଓ ଆନନ୍ଦ ଆଣିଦେବ ବୋଲି ସେ କହିଛନ୍ତି ।ଏଥିସହ ସେ ସମସ୍ତଙ୍କୁ ସୁସ୍ଥ ରହିବା ଓ ସୁରକ୍ଷିତ ରହିବା ପାଇଁପରାମର୍ଶ ଦେଇଛନ୍ତି ।
ଭାଇଜାନଙ୍କ ଜନ୍ମଦିନ ଅବସରରେ ତାଙ୍କ ଫ୍ୟାନ୍ସଙ୍କ ତରଫରୁ ତାଙ୍କୁ ଅନେକ ଶୁଭେଚ୍ଛା ଓ ଶୁଜକାମନାର ଶୁଅ ଛୁଟୁଛି । ସଲମାନଙ୍କ ପ୍ରଶଂସକମାନେ ତାଙ୍କର କିଛି ଫଟୋ ସେୟାର କରିଥିବା ବେଳେ ଆଉ କିଛି ଲୋକ ତାଙ୍କ ସହ ଉଠାଇଥିବା ଫଟୋକୁ ମଧ୍ୟ ସେୟାର କରି ତାଙ୍କୁ ଶୁଭେଚ୍ଛା ଜଣାଇଛନ୍ତି ।
