ମୁମ୍ବାଇ (ଏଟିଆର ବ୍ୟୁରୋ): ଫିଲ୍ମ ‘ଧଡକ’ଦେଖିବା ପାଇଁ ଦର୍ଶକଙ୍କ ମନରେ ଥିବା ଅପେକ୍ଷା ଧୀରେ ଧୀରେ ଅନ୍ତ ହେବାକୁ ଯାଉଛି । ଆଜି ଏହି ଫିଲ୍ମର ଏକ ନୂତନ ପୋଷ୍ଟର ରିଲିଜ୍ କରାଯାଇଛି । ଯାହାକୁ ନିଜେ କରଣ ଜୋହର ଏବଂ ଜାହ୍ନବୀ କପୁର ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି । ଏହି ପୋଷ୍ଟରରେ ଜାହ୍ନବୀ ଏବଂ ଈଶାନ ଦୁହେଁ ହୋଲିର ରଙ୍ଗରେ ରଙ୍ଗେଇ ହୋଇଥିବାର ନଜର ଆସିଛନ୍ତି ।
ଆଜ୍ଞା ହଁ ଫିଲ୍ମ ‘ଧଡକ’ର ଏହି ପୋଷ୍ଟରଟି ଖୁବ୍ ସୁନ୍ଦର ହୋଇଛି । ଏଥିରେ ଈଶାନ ପ୍ରେମରେ ଜାହ୍ନବୀଙ୍କ ଗାଲରେ ରଙ୍ଗ ଲଗାଉଥିବାର ଦେଖିବାକୁ ମିଳୁଛି । ଏବଂ ଦୁହିଁଙ୍କର ଆଖିର ଚମକ ତାଙ୍କର କେମେଷ୍ଟ୍ରିକୁ ଆହୁରୀ ବଢାଇ ଦେଇଥିଲା ।
କରଣ ଜୋହର ଫିଲ୍ମ ‘ଧଡକ’ର ପୋଷ୍ଟର ପୋଷ୍ଟ କରି ଲେଖିଛନ୍ତି ଯେ, ଫିଲ୍ମର ଟ୍ରେଲର ଖୁବ୍ ଶୀଘ୍ର ଆସିବାକୁ ଅଛି..ଜାହ୍ନବୀ ଏବଂ ଈଶାନଙ୍କ ଦ୍ୱାରା ଅଭିନୀତ..ଅମର ପ୍ରେମ କାହାଣୀର ଯାଦୁ ଦେଖିବାକୁ ପ୍ରସ୍ତୁତ ହୋଇ ଯାଆନ୍ତୁ । ଫିଲ୍ମଟି ଜୁଲାଇ ୨୦ରେ ପରଦାରେ ମୁକ୍ତିଲାଭ କରିବ ।
ଜାହ୍ନବୀଙ୍କ ଫ୍ୟାନ୍ସମାନେ ଏହି ଫିଲ୍ମ ଦେଖିବା ପାଇଁ ଖୁବ୍ ଉତ୍ସାହିତ ଅଛନ୍ତି । ଖବରମୁତାବକ, ଏହି ଫିଲ୍ମ ମରାଠି ଫିଲ୍ମ ସୌରାଟର ହିନ୍ଦୀ ରିମେକ ଅଟେ । ଫିଲ୍ମଟି ବକ୍ସ ଅଫିସରେ ଖୁବ୍ ଧମାଲ ମଚାଇଥିଲା । ଏବେ ଏହାର ହିନ୍ଦୀ ଭର୍ସନ ଜୁଲାଇ ୨୦ରେ ରିଲିଜ ହେବାକୁ ଯାଉଛି ।
