ଭୁବନେଶ୍ୱର (ଏଟିଆର ବ୍ୟୁରୋ): ପ୍ରକାଶ ପାଇଛି ଯୁକ୍ତ ଦୁଇ କଳା, ବାଣିଜ୍ୟ ଓ ଧନ୍ଦାମୂଳକ ପରୀକ୍ଷା ଫଳ । ଆଜି ଉଚ୍ଚ ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର ପରୀକ୍ଷା ଫଳ ବୁକ୍ଲେଟ ଉନ୍ମେଚନ କରିଛନ୍ତି । ସେଥିରୁ ଜଣା ପଡିଛି ଯେ କଳାବିଭାଗରେ ୬୮.୭୯, ବାଣିଜ୍ୟ ବିଭାଗରେ ୭୪.୯୧ ଏବଂ ଧନ୍ଦା ମୂଳକ ଶିକ୍ଷାରେ ୫୨.୬୧ପ୍ରତିଶତ ଛାତ୍ରଛାତ୍ରୀ ଏବର୍ଷ ପରୀକ୍ଷାରେ ପାସ୍ କରିଛନ୍ତି ।
ଛାତ୍ରଛାତ୍ରୀମାନେ ତାଙ୍କ ପରୀକ୍ଷା ଫଳ www.chseodisha.nic.in , www.orissaresults.nic.in ମାଧ୍ୟମାରେ ତାଙ୍କର ରୋଲ ନଂ ଓ ରେଜିଷ୍ଟ୍ରେସନ ନଂ ଦେଇ ରେଜଲ୍ଟ ଦେଖିପାରିବେ ।
ଚଳିତବର୍ଷ କଳା ବିଭାଗରେ ୨ ଲକ୍ଷ ୨୪ ହଜାରରୁ ଉର୍ଦ୍ଧ, ବାଣିଜ୍ୟ ବିଭାଗରେ ୨୭ ହଜାର ପାଞ୍ଚଶହ ଏବଂ ଧନ୍ଦାମୂଳକ ଶିକ୍ଷାରେ ୮ ହଜାରରୁ ଉର୍ଦ୍ଧ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।
