ନୂଆଦିଲ୍ଲୀ (ଏଟିଆର ବ୍ୟୁରୋ): ଚୀନ୍ ସ୍ମାର୍ଟଫୋନ୍ କମ୍ପାନୀ ସାଓମି ପରେ ଏବେ ରିଅଲମି ମଧ୍ୟ ଟ୍ରାନ୍ସପରେଣ୍ଟ ଫୋନ ଲଞ୍ଚ କରିପାରେ । କମ୍ପାନୀ ତାର ରିଅଲମି ଏକ୍ସ୭ ଆସନ୍ତାକାଲି ଲଞ୍ଚ କରିବାକୁ ଯାଉଛି । ସିରିଜ୍ ଅନୁଯାୟୀ ଦୁଇଟି ସ୍ମାର୍ଟଫୋନ୍ ଏକ୍ସ୭ ଏବଂ ରିଅଲମି ଏକ୍ସ୭ ପ୍ରୋ ମାର୍କେଟକୁ ଆଣିପାରେ କମ୍ପାନୀ । ସେହିପରି ଏହି ସିରିଜ୍ ଲଞ୍ଚ ହେବା ପୂର୍ବରୁ ରିଅଲମି ଇଣ୍ଡିଆର ସିଇଓ ମାଧବ ସେଠ ଏହି ଅପକମିଂ ଫୋନ୍ ରିଅଲମି ଏକ୍ସ୭ ପ୍ରୋ ର ଟ୍ରାନ୍ସପରେଣ୍ଟ ଫଟୋର ଝଲକ ଦେଖାଇଛନ୍ତି । ଏହାପରେ ଏବେ ଅନୁମାନ ଲଗାଯାଉଛି କି କମ୍ପାନୀ ବହୁତ ଶୀଘ୍ର ବଜାରକୁ ଟ୍ରାନ୍ସପରେଣ୍ଟ ଫୋନ୍ ନେଇ ଆସିପାରେ ।
ସିଇଓ ମାଧବ ସେଠ ରିଅଲମି ଏକ୍ସ୭ ପ୍ରୋ ର ଟ୍ରାନ୍ସପରେଣ୍ଟ ଭର୍ସନର ଫଟୋ ଟ୍ୱିଟରରେ ସେୟାର କରିଛନ୍ତି । ଏଥିରେ ସେ ୟୁଜର୍ସଙ୍କୁ ପ୍ରଶ୍ନ କରିଛନ୍ତି କି , କଣ ଆପଣମାନେ ଚାହୁଁଛନ୍ତି କି କମ୍ପାନୀ ରିଅଲମି ଏକ୍ସ୭ ପ୍ରୋ ର ଟ୍ରାନ୍ସପରେଣ୍ଟ ଭର୍ସନକୁ ଲଞ୍ଚ କରୁ । ଏହାପରେ ଟ୍ୱିଟର ୟୁଜର୍ସ ସେମାନଙ୍କର ଭିନ୍ନ ଭିନ୍ନ ମତ ରଖିଛନ୍ତି ।
କମ୍ପାନୀ ମୁତାବକ, ଏହା ଏକ ଡେମୋ ଫୋନ୍ । ଏହା ଏତେ ଟ୍ରାନ୍ସପରେଣ୍ଟ ଯେ ଏହାର ଧାର ଗୁଡିକ ଉଜ୍ଜଳ ଆଲୋକରେ ଚମକି ଉଠୁଛି । ଫଟୋରେ ବ୍ୟାକ ପ୍ୟାନେଲରେ ଦିଆଯାଇଥିବା ରାଉଣ୍ଡ କର୍ଣ୍ଣର ବିଶିଷ୍ଟ ରେକ୍ଟାଙ୍ଗୁଲାର ରିୟର କ୍ୟାମେରା ଲେଆଉଟ ବି ନଜର ଆସୁଛି ।
