ନୂଆଦିଲ୍ଲୀ (ଏଟିଆର ବ୍ୟୁରୋ): ସ୍ମାର୍ଟଫୋନ୍ କମ୍ପାନୀ ରିଅଲମି ନିକଟରେ ତାର ଲାଟେଷ୍ଟ ଏକ୍ସ ସିରିଜ୍ ର ଦୁଇଟି ସ୍ମାର୍ଟଫୋନ୍ ରିଅଲମି ଏକ୍ସ୭ ୫ଜି ଏବଂ ରିଅଲମି ଏକ୍ସ୭ ପ୍ରୋ ୫ଜିକୁ ଭାରତରେ ଲଞ୍ଚ କରିଥିଲା । ସେହିପରି ଆଜି ଇ-କମର୍ସ ସାଇଟ ଫ୍ଲିପକାର୍ଟରେ ରିଅଲମି ଏକ୍ସ୭ ୫ଜି ର ପ୍ରଥମ ସେଲ । ଆଜି ମଧ୍ୟାହ୍ନ ୧୨ ଟାରୁ ଏହାର ସେଲ ଆରମ୍ଭ । ଫୋନ୍ ରେ ୪,୩୦୦ଏମଏଏଚ ର ବ୍ୟାଟେରୀ, ମେଡିଆଟେକ ଡିମେନସିଟି ୮୦୦ୟୁ ପ୍ରୋସେସର ଏବଂ ୬୪ ମେଗାପିକ୍ସଲର କ୍ୟାମେରା ଦିଆଯାଇଛି ।
ରିଅଲମି ଏକ୍ସ୭ ୫ଜି ର ୬ଜିବି ଏବଂ ୧୨୮ଜିବି ଭ୍ୟାରିଏଣ୍ଟର ଦାମ୍ ୧୯୯୯୯ ଟଙ୍କା ରହିଛି । ସେହିପରି ଏହାର ୮ଜିବି ଏବଂ ୧୨୮ଜିବି ଷ୍ଟୋରେଜ୍ ଭ୍ୟାରିଏଣ୍ଟର ଦାମ୍ ୨୧୯୯୯ ଟଙ୍କା ରଖାଯାଇଛି । ଫୋନ୍ ଟିକୁ ନେବୁଲା ଏବଂ ସ୍ପେସ ସିଲଭର କଲର ଅପ୍ସନ ସହିତ ଲଞ୍ଚ କରାଯାଇଛି ।ଅନ୍ୟପଟେ ରିଅଲମି ଏକ୍ସ୭ ପ୍ରୋ ୫ଜି ର ୮ଜିବି ଏବଂ ୧୨୮ଜିବି ଷ୍ଟୋରେଜ୍ ଭ୍ୟାରିଏଣ୍ଟର ଦାମ୍ ୨୯,୯୯୯ ଟଙ୍କା ରଖାଯାଇଛି । ଏହା ଫାଣ୍ଟାସୀ ଏବଂ ମାଇଷ୍ଟିକ ବ୍ଲାକ କଲର ଅପ୍ସନରେ ଉପଲବ୍ଧ କରାଯାଇଛି ।
