ମୁମାଇ(ଏଟିଆର ବ୍ୟୁରୋ): ପୁଣି ଥରେ ଚର୍ଚ୍ଚାରେ ଅଛନ୍ତି ସୋନୁ ସୁଦ । ଅଭିନେତା ସୋନୁ ସୁଦ କରୋନା ମହାମାରୀ ସମୟରେ ବିଭିନ୍ନ ଲୋକଙ୍କୁ ସାହାର୍ଯ୍ୟର ହାତ ବଢାଇଥିବା ବେଳେ ବିଦେଶରେ ଫସି ରହିଥିବା ଲୋକଙ୍କୁ ଫେରାଇ ଆଣି ସମସ୍ତଙ୍କ ମନ ଜିତିଛନ୍ତି । ଏହା ସହ ସେ ନିଜର ମହତ କାର୍ଯ୍ୟ ମଧ୍ୟ ଜାରି ରଖିଛନ୍ତି ।
କେତେବେଳେ ଛାତ୍ରଛାତ୍ରୀମାନଙ୍କୁ ଅନଲାଇନ କ୍ଲାସ ପାଇଁ ମୋବାଇଲ ଦେବା ତ ଆଉ କେତେବେଳେ ଚାଷୀମାନଙ୍କୁ ଟ୍ରାକ୍ଟର ଯୋଗାଇବା, ଗରିବପ ଅସହାୟଙ୍କୁ ସାହାର୍ଯ୍ୟ କରୁଛନ୍ତି । ସୋନୁ ସୁଦ ଏବେ ୧ ଲକ୍ଷ ବେକାର ଲୋକଙ୍କୁ ଦେବେ ବୋଲି ଘୋଷଣା କରିଛନ୍ତି । ଏଥିସହ ସେ ୧୦ କୋଟି ଲୋକଙ୍କ ଜୀବନ ବଦଳାଇବାକୁ ଯାଉଛନ୍ତି ।
ସେ ନିଜ ଟ୍ୱିଟରେ ଲେଖିଛନ୍ତି, “ନୂଆ ବର୍ଷ, ନୂଆ ଆଶା, ନୂଆ ଚାକିରୀର ମଉକା ଏବଂ ସେହି ମଉକାକୁ ଆପଣଙ୍କ ପାଖକୁ ଆଣିବୁ ଆମେ। ପ୍ରବାସୀ ରୋଜଗାର ଏବେ ଗୁଡୱାର୍କର। ଆଜି ହିଁ ଗୁଡୱାର୍କର ଆପ୍ଲିକେସନ ଡାଉନଲୋଡ୍ କରନ୍ତୁ ଏବଂ ଉତ୍ତମ ଭବିଷ୍ୟତ ଆଶା କରନ୍ତୁ।”
ସୋନୁ ସୁଦ ମଧ୍ୟ ଏଡି ଆପର ଲିଙ୍କ ଶେୟାର କରିଛନ୍ତି । ଏହି ଆପ ମାଧ୍ୟମରେ ୧୦ କୋଟି ଲୋକଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ଚେଷ୍ଟା କରୁଛି । ସୋନୁ ସୁଦଙ୍କ ଏହି ଟ୍ୱିଇଟ ପରେ ଚାମିରି ଖୋଜୁଥିବା ଲୋଙ୍କ ମଧ୍ୟରେ ଉତ୍ସାହ ଭରି ରହିଛି ।
