ନୂଆଦିଲ୍ଲୀ (ଏଟିଆର ବ୍ୟୁରୋ): ରେଡମୀ ନୋଟ ୧୦ ସ୍ମାର୍ଟଫୋନ୍ ଆଜି ପ୍ରଥମ ଥର ଫ୍ଲାସ ସେଲ୍ ରେ ବ୍ରିକ୍ରି ପାଇଁ ଉପଲବ୍ଧ ହୋଇଛି । ଆଜି ମଧ୍ୟାହ୍ନ ୧୨ଟାରୁ ବ୍ରିକି ଆରମ୍ଭ ହୋଇଛି । ଏହି ଫୋନ୍ କୁ ଆପଣ ଆମାଜନ୍ ଡଟ୍ କମ ଏବଂ ଏମଆଇ ଡଟ୍ କମ୍ ରୁ କିଣି ପାରିବେ । ଏହାସହିତ ଗ୍ରାହକ ଏହି ଫୋନ୍ କୁ ଅଫଲାଇନ୍ ରିଟେଲର୍ସଙ୍କ ଠାରୁ ମଧ୍ୟ କିଣି ପାରିବେ । ସେହିପରି ଫୋନ୍ ର କିଣା ଉପରେ କମ୍ପାନୀ ଡିସକାଉଣ୍ଟ ଅଫର୍ ମଧ୍ୟ ଦେଉଛି । ଚଳିତମାସ ଆରମ୍ଭରେ ରେଡମୀ ନୋଟ୍ ୧୦ ପ୍ରୋ ମାକ୍ସ ସହିତ ରେଡମୀ ନୋଟ୍ ୧୦ ଲଞ୍ଚ କରାଯାଇଥିଲା । ଏହି ଫୋନ୍ ର ତିନୋଟି କଲର ଅପ୍ସନ ଅକ୍ୱା ଗ୍ରୀନ, ଫ୍ରୋଷ୍ଟ ହ୍ୱାଇଟ ଏବଂ ସ୍ୟାଡୋ ବ୍ଲାକ ରହିଛି ।
ସେହିପରି ରେଡମୀ ନୋଟ୍ ୧୦ ଦୁଇଟି ଭ୍ୟାରିଏଣ୍ଟରେ ଆସୁଛି । ଏହାର ୪ଜିବି ର୍ୟାମ ଏବଂ ୬୪ ଜିବି ଷ୍ଟୋରେଜ୍ ଭ୍ୟାରିଏଣ୍ଟର ଦାମ୍ ୧୧,୯୯୯ ଟଙ୍କା ରହିଥିବା ବେଳେ ୬ଜିବି ର୍ୟାମ ଏବଂ ୧୨୮ଜିବି ଷ୍ଟୋରେଜ୍ ଭ୍ୟାରିଏଣ୍ଟର ଦାମ୍ ୧୩,୯୯୯ ଟଙ୍କା ରହିଛି । ଫୋନଟିକୁ ଆଇସିଆଇସିଆଇ ବ୍ୟାଙ୍କ କ୍ରେଡିଟ କାର୍ଡ ରୁ କିଣିବା ଦ୍ୱାରା ୫୦୦ ଟଙ୍କାର ଇଂଷ୍ଟାଣ୍ଟ ଡିସକାଉଣ୍ଟ ମିଳିବ । ଏହାବ୍ୟତିତ ଫୋନ୍ କୁ ଆପଣ ଇଏମଆଇ ଅପ୍ସନ ରେ ମଧ୍ୟ କିଣି ପାରିବେ ।
