ପୁରୀ(ଏଟିଆର ବ୍ୟୁରୋ): ଆଜିଠାରୁ ପ୍ରତି ରବିବାର ଭକ୍ତଙ୍କ ପାଇଁ ଶ୍ରୀମନ୍ଦିରରେ ଦର୍ଶନ ବନ୍ଦ । କରୋନା କଟକଣାକୁ ଦୃଷ୍ଟିରେ ରଖି ଶ୍ରୀମନ୍ଦିର ପାଇଁ ଗାଇଡଲାଇନ ଜାରି କରିଛି ମନ୍ଦିର ପ୍ରଶାସନ । ପ୍ରତି ରବିବାର ଭକ୍ତଙ୍କ ପାଇଁ ଜଗା ଦର୍ଶନ ବନ୍ଦ ରହିଛି । ରବିବାର ବାଦ୍ ଅନ୍ର ଦୁଇଦିନ ପରେ ବିଳମ୍ବିତ ରାତିରେ ମନ୍ଦିର ବିଶୋଧନ କରିବାକୁ ନିଷ୍ପତ୍ତି ମଧ୍ୟ ହୋଇଛି ।
ମନ୍ଦିରକୁ ଦର୍ଶନ ପାଇଁ ଆସୁଥିବା ଭକ୍ତମାନଙ୍କର କରୋନା କଟକଣା ମାନିବାକୁ ପଡିବ । ଆଗକୁ ନିୟମ ଆହୁରି କଡାକଡି କରାଯିବା ସହ ବାହର ଭକ୍ତଙ୍କ ଦର୍ଶନ ଉପରେ କଟକଣା ଲଗାଇବାକୁ ଯୋଜନା ହୋଇଛି ।ଏ ନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ନିର୍ଦ୍ଦେଶନାମା ଜାରି କରିଛନ୍ତି।
ସୋମବାର ସକାଳ ୬ଟାରୁ ପୁନର୍ବାର ଦର୍ଶନ ବ୍ୟବସ୍ଥା ଆରମ୍ଭ ହେବ। ମାସ୍କ୍, ସାନିଟାଇଜ୍ ବ୍ୟବସ୍ଥା କଡ଼ାକଡ଼ି ପାଳନ ହେବ। ଦର୍ଶନ ପୂର୍ବରୁ ଭକ୍ତ ମାସ୍କ୍ ପିନ୍ଧିବା ବାଧ୍ୟତାମୂଳକ କରାଯାଇଛି। ବାହାର ରାଜ୍ୟର ଭକ୍ତଙ୍କ ପାଇଁ ରାଜ୍ୟ ସରକାର ଯେଉଁ ନିୟମ ଜାରି କରିଛନ୍ତି, ତାକୁ କଡ଼ାକଡ଼ି ଅନୁପାଳନ କରାଯିବ।
