ନୂଆଦିଲ୍ଲୀ (ଏଟିଆର ବ୍ୟୁରୋ): ଏକାସଙ୍ଗରେ ୬ ଟି ସ୍ମାର୍ଟଫୋନ ଲଞ୍ଚ କରିଛି ଏଚଏମଡି ଗ୍ଲୋବାଲ । ଯେଉଁଥିରେ ନୋକିଆ ସି ସିରିଜ୍ ର ଦୁଇଟି, ଜି ସିରିଜ୍ ର ଦୁଇଟି ଏବଂ ଏକ୍ସ ସିରିଜ୍ ର ଦୁଇଟି ସ୍ମାର୍ଟଫୋନ୍ ରହିଛି । ସେଗୁଡିକ ହେଉଛି ନୋକିଆ ସି୧୦, ନୋକିଆ ସି୨୦, ନୋକିଆ ଜି୧୦, ନୋକିଆ ଜି୨୦, ନୋକିଆ ଏକ୍ସ୧୦ ଏବଂ ନୋକିଆ ଏକ୍ସ୨୦ । ନୋକିଆ ସି ସିରିଜ୍ ଏଣ୍ଟ୍ରି ଲେଭଲର ରହିଥିବା ବେଳେ ନୋକିଆ ଜି ସିରିଜ୍ ମିଡରେଞ୍ଜ ସେଗମେଣ୍ଟର ଏବଂ ନୋକିଆ ଏକ୍ସ ସିରିଜ୍ ପ୍ରିମିୟମ ଅଟେ । ନୋକିଆ ସି୧୦ ଏବଂ ସି୨୦ରେ ଆପଣଙ୍କୁ ଆଣ୍ଡ୍ରୋଏଡ୧୧ ର ଗୋ ଏଡିସନ ମିଳିବ । ସେହିପରି ନୋକିଆ ଜି୧୦, ନୋକିଆ ଜି୨୦, ନୋକିଆ ଏକ୍ସ୧୦ ଏବଂ ନୋକିଆ ଏକ୍ସ୨୦ରେ ଷ୍ଟକ ଏଣ୍ଡ୍ରୋଏଡ ୧୧ ମିଳିବ । ଅନ୍ୟପଟେ ନୋକିଆ ଏକ୍ସ୧୦ ଏବଂ ଏକ୍ସ୨୦ରେ ୫ଜି କନେକ୍ଟିଭିଟି ମଧ୍ୟ ଦିଆଯିବ ।
ନୋକିଆ ସି୧୦ର ପ୍ରାରମ୍ଭିକ ଦାମ ୭ ହଜାର ରହିଛି । ଏଥିରେ ୧ ଜିବି ର୍ୟାମ ସହିତ ୧୬ ଜିବି ଇଂଟରନାଲ ଷ୍ଟୋରେଜ୍ ମିଳିବ । ସେହିପରି ସି୨୦ର ପ୍ରାରମ୍ଭିକ ଦାମ ୭,୯୦୦ ଟଙ୍କା, ଜି୧୦ର ଦାମ ୧୨,୩୦୦ ଟଙ୍କା, ଜି୨୦ର ଦାମ୍ ୧୪୦୦୦ ଟଙ୍କା ଏକ୍ସ୧୦ର ଦାମ ୨୭,୪୦୦ ଟଙ୍କା, ରହିଛି । ଏହି ସମସ୍ତ ଫୋନକୁ ବର୍ତ୍ତମାନ ଭାରତରେ ଉପଲବ୍ଧ କରାଯିବ କି ନାହିଁ ତାହା ସ୍ପଷ୍ଟ ହୋଇନାହିଁ । ସେହିପରି ଫୋନ ସହିତ ନୋକିଆ ଲାଇଟ୍ ଇୟରବର୍ଡ ମଧ୍ୟ ଲଞ୍ଚ କରିଛି କମ୍ପାନୀ ।
