ନୂଆଦିଲ୍ଲୀ(ଏଟିଆର ବ୍ୟୁରୋ): କରୋନା ମହାମାରୀ କବଳରେ ବଲିଉଡର ଅନେକ ଅଭିନେତା ଓ ଅଭିନେତ୍ରୀ । ଜଣଙ୍କ ପରେ ଜଣେ ଅଭିନେତା ଓ ଅଭିନେତ୍ରୀଙ୍କୁ କରୋନା ଗ୍ରାସ କରିବାରେ ଲାଗିଛି । ବଲିଉଡ ଅଭିନେତା ସୋନୁ ସୁଦ କରୋନାରେ ସଂକ୍ରମିତ ହୋଇଛନ୍ତି । ସୋନୁ ସୁଦ କରୋନାରେ ଆକ୍ରାନ୍ତ ହୋଇଛନ୍ତି ବୋଲି ସେ ନିଜେ ସୋସିଆଲ ମିଡିଆରେ ଟ୍ୱିଟ କରି ସୂଚନା ଦେଇଛନ୍ତି ।
ସୋନୁ ସୁଦ ଏକ ପୋଷ୍ଟରେ ସେୟାର କରି କହିଛନ୍ତି,ମୋର କରୋନାର ରିପୋର୍ଟ ପଜିଟିଭ ଆସିଛି । ସୁରକ୍ଷା ଦୃଷ୍ଟିରୁ ସେ ନିଜକୁ କ୍ୱାରେଣ୍ଟାଇନ୍ କରିଛନ୍ତି । ଏବଂ ଏହା ସହ ସେ ଲେଖିଛନ୍ତି କରୋନା ପଜିଟିଭ ମୁଡ ଓ ସ୍ପିରିଟ ସୁପର ପଜିଟିଭ । ଚିନ୍ତା କରିବାର କୈାଣସି ସମୟ ନାହିଁ । ଏବେ ମୋତେ ବହୁତ ସମୟ ମିଳିବ । ମୁଁ ଆପଣଙ୍କ ସମସ୍ୟା ଦୁର କରି ପାରିବି । ଯାହା ବି ସମସ୍ୟା ଆସୁ ମୁଁ ସବୁବେଳେ ଆପଣଙ୍କ ପାଖରେ ରହିଛି ବୋଲି ସେ ତାଭ୍କ ଫ୍ୟାନ୍ସମାନଙ୍କୁ କହିଛନ୍ତି ।
ଗତବର୍ଷ ଲକଡାଉନ ସମୟରେ ପ୍ରବାସୀଙ୍କ ଭଜବାନ ସାଜିଥିବା ସୋନୁ ସୁଦ ଲକ୍ଷଲକ୍ଷ ପ୍ରବାସୀଙ୍କୁ ସେମାନଙ୍କ ଘରକୁ ପଡାଇଥିଲେ ।ଅନେକ ଆବଶ୍ୟକତା ମଧ୍ୟ ପୁରଣ କରିଥିଲେ । ଏପିରିକି ସେ ଲୋକମାନଙ୍କୁ ରୋଜଗାର ମଧ୍ୟ ଦେଇଥିଲେ । ଯାହାକୁ ନେଇ ତାଙ୍କ ପାଖକୁ ପ୍ରଶଂସାର ସୁଅ ଛୁଟିଥିଲା ।
