ଟୋକିଓ (ଏଟିଆର ବ୍ୟୁରୋ): ପାରା ଅଲମ୍ପିକ୍ସରେ ଭାରତ ପାଇଁ ସୁନା ଆଣିଲେ ସୁନା ଝିଅ ଅବନୀ ଲେଖରା । ସୁଟିଂ ରେ ପ୍ରଥମ ଥର ପାଇଁ ଭାରତ ସ୍ୱର୍ଣ୍ଣ ହାତେଇଛି । ମହିଳା ୧୦ ମିଟର ଏୟାର ରାଇଫଲରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ଅବନୀ ଲେଖରା । ସେ ମୋଟ ୨୪୯.୬ ପଏଣ୍ଟ ହାସଲ କରିଛନ୍ତି । ଯାହା ପାରାଲିମ୍ପିକ୍ସ ପାଇଁ ଏକ ରେକର୍ଡ ।
ଜୟପୁରର ୧୯ ବର୍ଷିୟ ଅବନୀ ଲେଖରା ଚୀନର ଝାଙ୍ଗ କୁଇପିଙ୍ଗ ଓ ୟୁକ୍ରେନର ଇରିୟାନଙ୍କୁ ହରାଇ ସ୍ୱର୍ଣ୍ଣ ପଦକ ହାସଲ କରିଛନ୍ତି । ପାରାଲିମ୍ପିକ୍ସ ଇତିହାସରେ ସୁଟିଂରେ ଏହା ଭାରତ ପାଇଁ ପ୍ରଥମ ସ୍ୱର୍ଣ୍ଣ ପଦକ । ତାଙ୍କର ଏହି ସଫଳତା ପାଇଁ ଚାରିଆଡୁ ସଫଳତାର ଶୁଅ ଛୁଟିଛି । ସେହିପରି ପ୍ରଧାନମନ୍ତ୍ରୀ ମୋଦି ମଧ୍ୟ ଟ୍ୱିଟ କରି ଶୁଭେଚ୍ଛା ଜଣାଇଛନ୍ତି ।
