ନବରଙ୍ଗପୁର,(ଏଟିଆର ବ୍ୟୁରୋ): ନବରଙ୍ଗପୁର ଜିଲ୍ଲା କୁମୁଡାଗୁଡା ଗାଁରେ ଘଟିଛି ଏକ ଅଭାନୀୟ ଘଟଣା । ପୂରା ଗାଁ ଏବେ ଶୋକାକୂଳ । ଏକାସଙ୍ଗେ ଚାଲିଯାଇଛି ଦୁଇ ଭଉଣୀଙ୍କ ଜୀବନ । ଗାଧୋଇବାକୁ ଯାଇ ଆଉ ଘରକୁ ଫେରିନାହାନ୍ତି ଦୁଇ ଭଉଣୀ । ସ୍ଥାନୀୟ ଲୋକେ ମୃତଦେହକୁ ପୋଖରୀରୁ ଉଦ୍ଧାର କରିଥିବା ବେଳେ ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ମିଳିଥିବା ରିପୋର୍ଟ ଅନୁସାରେ, ମଧ୍ୟାହ୍ଣରେ ଗାଁର ଚମ୍ପା ସାନ୍ତା ଓ ନୀଳା ସାନ୍ତା ଦୁଇ ଭଉଣୀ ସାଙ୍ଗମାନଙ୍କ ସହ ଗାଧୋଇବା ଲାଗି ପାଖ ପୋଖରୀକୁ ଯାଇଥିଲେ । ତେବେ ସମସ୍ତେ ଫେରିଥିବା ବେଳେ ଏମାନେ କିନ୍ତୁ ଆଉ ଫେରିନଥିଲେ । ବିଳମ୍ବ ଦେଖି ପରିବାର ଲୋକ ଖୋଜାଖୋଜି କରିଥିଲେ । ପରେ ସ୍ଥାନୀୟ ଲୋକେ ଦୁଇ ଭଉଣୀଙ୍କ ମୃତଦେହ ପୋଖରୀରେ ଭାସୁଥିବା ଦେଖିବାକୁ ପାଇଥିଲେ ।
