ଭୁବନେଶ୍ୱର (ଏଟିଆର ବ୍ୟୁରୋ):ଓଲିଉଡର ଅପକମିଂ ଫିଲ୍ମ ‘ଏକ୍ସକ୍ୟୁଜ୍ ମି’ ପରଦାରେ ଧମାଲ ମଚାଇବାକୁ ଯାଉଛି । ଏହି ଫିଲ୍ମରେ ଆକ୍ସନ, ଡ୍ରାମା , ରୋମାନ୍ସ ଦେଖିବାକୁ ପାଇବେ ଦର୍ଶକ ।
ରୋହନ ଫିଲ୍ମ ବ୍ୟାନରରେ ପ୍ରସ୍ତୁତ ହେବାକୁ ଥିବା ଏହି ଫିଲ୍ମରେ ନଜର ଆସିବେ ନବାଗତ ଅଭିନେତା ରୋନକ । ଏବଂ ତାଙ୍କ ବିପକ୍ଷରେ ଅଛନ୍ତି ମେଘା ମହାନ୍ତି । ଏମାନଙ୍କ ବ୍ୟତୀତ ମିହିର ଦାସ, ଅନିତା ଦାସ, ପ୍ରିୟଙ୍କା, କାଳିଆ ଆଦି ପ୍ରମୁଖ ଭୂମିକାରେ ନଜର ଆସିବେ ।
ସଞ୍ଜୟ ମହାକୁଲଙ୍କ ଏହି କାହାଣୀରେ ମ୍ୟୁଜିକ୍ ଦେଇଛନ୍ତି ଶରତ ନାୟକ ଏବଂ ଦେବୀ ଦତ୍ତ । ଏହାର ନିର୍ଦ୍ଦେଶନା ଦାୟିତ୍ୱରେ ଉମେଶ ଦାସ ଥିବା ବେଳେ କୋରିଅଗ୍ରାଫ କରିଛନ୍ତି ଲୁୁବୁନ୍ ଟୁବୁନ୍ । ନବାଗତ ଅଭିନେତାଙ୍କ ଅଭିନୟ ଏବଂ ଏହାର କାହାଣୀଟିକୁ ଦର୍ଶକ ଖୁବ୍ ପସନ୍ଦ କରିବେ ବୋଲି ଆଶା କରାଯାଉଛି ।
