ବ୍ରହ୍ମଗିରି (ଏଟିଆର ବ୍ୟୁରୋ): ଆଜି ପବିତ୍ର ବିଜୟା ଦଶମୀ ଅବସରରେ ବ୍ରହ୍ମଗିରି ସ୍ଥିତ ଶ୍ରୀ ଅଲରାନାଥ ମନ୍ଦିରରେ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି । ମହାପ୍ରଭୁ ଶ୍ରୀ ଅଲାରନାଥ ଭକ୍ତଙ୍କୁ ଆଜି ରାଜରାଜେଶ୍ୱର ବେଶରେ ଦର୍ଶନ ଦେଉଛନ୍ତି । ବର୍ଷକୁ ତିନିଥର ଯେପରିକି ବିଜୟା ଦଶମୀ, କାର୍ତ୍ତିକ ପୂର୍ଣ୍ଣିମା ଏବଂ ପୌଷ ପୂର୍ଣ୍ଣିମାରେ ଏହି ବେଶରେ ଦର୍ଶନ ଦେଇଥାନ୍ତି ଅଲାରନାଥ । ସେହିଅନୁଯାୀ ଆଜି ବିଜୟା ଦଶମୀ ଅବସରରେ ରାଜରାଜେଶ୍ୱର ବେଶରେ ସଜ୍ଜିତ ହୋଇଛନ୍ତି ଅଲରାନାଥ ।
ଆଜି ଭୋରୁ ମନ୍ଦିରର ଦ୍ୱାର ଫିଟା ପରେ ମଙ୍ଗଳ ଆଳତୀ, ଅବକାଶ, ମଇଲମ, ତୁଳସୀ ଲାଗି କରାଯିବା ପରେ ସେବାୟତମାନେ ମହାପ୍ରଭୁ ଶ୍ରୀ ଅଲାରନାଥଙ୍କୁ ରାଜରାଜେଶ୍ୱର ବେଶରେ ସଜ୍ଜିତ କରିଥିଲେ ।
