ଭୁବନେଶ୍ୱର (ଏଟିଆର ବ୍ୟୁରୋ): ବିଭିନ୍ନ ପାଠ୍ୟକ୍ରମ ପାଇଁ ଓଡିଶା ଯୁଗ୍ମ ପ୍ରବେଶିକା ପରୀକ୍ଷା (ଓଜେଇଇ) ପକ୍ଷରୁ ଆଜିଠୁ ଆରମ୍ଭ ୱେବ କାଉନସେଲିଂ । ଛାତ୍ରଛାତ୍ରୀଙ୍କ ପଞ୍ଜିକରଣ ଓ ଚଏସ ଲକିଂ ଆରମ୍ଭ ହେବ । ଏହି ପ୍ରକ୍ରିୟା ଆସନ୍ତା ନଭେମ୍ବର ୨ ତାରିଖ ଯାଏଁ ଚାଲିବ । ଏହାପରେ ପ୍ରଥମ ପର୍ଯ୍ୟାୟ ସିଟ୍ ଆଲଟମେଣ୍ଟ ନଭେମ୍ବର ୫ ରେ ପ୍ରକାଶ ପାଇବ । ସେହିପରି ଛାତ୍ରଛାତ୍ରୀ ମାନେ ୫ ରୁ ୮ ତାରିଖ ଭିତରେ ଅନଲାଇନ୍ ରିପୋଟିଂ ଓ ଫି ଦାଖଲ କରିପାରିବେ ।
ଏହାସହିତ ପୂର୍ବରୁ ପଞ୍ଜିକରଣ କରିନଥିବା ଜେଇଇ ମେନ୍ ର୍ୟାଙ୍କଧାରୀ ଓ ବିଟେକ ର୍ୟାଙ୍କଧାରୀମାନେ ୬ ରୁ ୧୧ ନଭେମ୍ବର ପର୍ଯ୍ୟନ୍ତ ସ୍ୱତନ୍ତ୍ର ଓଜେଇଇ ପାଇଁ ପଞ୍ଜିକରଣ କରିପାରିବେ ।
ସେହିପରି ଦ୍ୱିତୀୟ ପର୍ଯ୍ୟାୟ ସିଟ୍ ଆଲଟମେଣ୍ଟ ନଭେମ୍ବର ୧୪ ରେ ପ୍ରକାଶ ପାଇବାକୁ ଥିବା ବେଳେ ନଭେମ୍ବର ୨୧ ରେ ଶେଷ ପର୍ଯ୍ୟାୟ ସିଟ୍ ଆଲଟମେଣ୍ଟ କରାଯିବ ।
