ଆଜିଠୁ କାର୍ତ୍ତିକ ପୂର୍ଣ୍ଣିମା ଯାଏଁ ଧବଳେଶ୍ୱର ପୀଠରେ ୧୪୪ ଧାରା ଜାରି

ଆଠଗଡ (ଏଟିଆର ବ୍ୟୁରୋ): ଆଜି ପବିତ୍ର ଅଁଳା ନବମୀ । ଅଁଳା ନବମୀରୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ବାବା ଧବଳେଶ୍ୱରଙ୍କ ଦର୍ଶନ ମନା । ପଞ୍ଚୁକରେ ବାବାଙ୍କୁ ଦର୍ଶନ କରିପାରିବେ ନାହିଁ ଭକ୍ତ । ପ୍ରଶାସନ ପକ୍ଷରୁ ଧବଳେଶ୍ୱର ପୀଠରେ ୧୪୪ ଧାରା ଜାରି କରାଯାଇଛି । ୧୯ ତାରିଖ ଯାଏଁ କଟକଣା ବଳବତ୍ତର ରହିବ । ମନ୍ଦିରରେ କେବଳ ବାବାଙ୍କର ନୀତିକାନ୍ତି କରାଯିବ ।

ପ୍ରତ୍ୟେକ ବର୍ଷ ପଞ୍ଚୁକ ଅବସରରେ ବାବାଙ୍କ ପୀଠରେ ଭକ୍ତଙ୍କ ଭିଡ ଲାଗିଥାଏ । କିନ୍ତୁ କରୋନା ପାଇଁ ଚଳିତ ବର୍ଷ ପୀଠରେ ପ୍ରଶାସନ ପକ୍ଷରୁ କଟକଣା ଜାରି କରାଯାଇଛି ।