ନୂଆଦିଲ୍ଲୀ (ଏଟିଆର ବ୍ୟୁରୋ): ହ୍ୱାଟ୍ସଆପ୍ ୟୁଜର୍ସଙ୍କ ପାଇଁ ଏକ ଖାସ୍ ଖବର । ମେଟା କମ୍ପାନୀ ଏବେ ହ୍ୱାଟ୍ସଆପ୍ ୟୁଜର୍ସଙ୍କ ପାଇଁ ଏକ ଖାସ୍ ଟୁଲ୍ ଲଞ୍ଚ କରିଛି । ଯାହା ସାହାଯ୍ୟରେ ଆପଣ କୌଣସି ଫଟୋକୁ ଷ୍ଟିକରରେ ବଦଳାଇ ପାରିବେ । ବର୍ତ୍ତମାନ ଏହି ଫିଚର କେବଳ ହ୍ୱାଟ୍ସଆପ ୱେବ ପାଇଁ ଲଞ୍ଚ କରାଯାଇଛି । ବହୁତ ଶୀଘ୍ର ଏହାକୁ ମୋବାଇଲ ଭର୍ସନ ପାଇଁ ମଧ୍ୟ ଜାରି କରାଯିବ ବୋଲି ଆଶା ରହିଛି ।
ଏହି ଫିଚରକୁ ବ୍ୟବହାର କରିବା ପାଇଁ ଆପଣ ପ୍ରଥମେ ହ୍ୱାଟ୍ସଆପର ୱେବ ଭର୍ସନ ଓପେନ କରନ୍ତୁ । ପୁଣି ଚାଟ୍ ୱିଣ୍ଡୋକୁ ଓପେନ୍ କରନ୍ତୁ, ଯାହାକୁ ଆପଣ କଷ୍ଟମ ଷ୍ଟିକର ପଠାଇବାକୁ ଚାହୁଁଛନ୍ତି । ଏଠାରେ ଆପଣଙ୍କୁ ଷ୍ଟିକର ଅପ୍ସନ ନଜରକୁ ଆସିବ, ତାହା ଉପରେ ଟ୍ୟାପ କରନ୍ତୁ । ଏହାପରେ ଫଟୋ ଚୟନ କରି ନିଜ ହିସାବରେ ଏଡିଟ୍ କରନ୍ତୁ ।
