ଭୁବନେଶ୍ୱର (ଏଟିଆର ବ୍ୟୁରୋ): ହାଡଭଙ୍ଗା ଶୀତରେ ଥରୁଛି ସାରା ଓଡିଶା । ଅଚାନକ ଖସିଛି ପାରଦ । ୭ ଟି ସହରର ତାପମାତ୍ରା ୧୧ ଡିଗ୍ରୀ ସେଲସିୟସ ତଳକୁ ଖସିଥିବା ବେଳେ ୨୫ ସହରରେ ତାପମାତ୍ରା ୧୫ ଡିଗ୍ରୀ ତଳେ ଏବଂ ଫୁଲବାଣୀରେ ରହିଛି ୭ ଡିଗ୍ରୀ ସେଲସିୟସ ।
ରାଜ୍ୟରେ ଜାରି ରହିଛି ଶୀତ ଲହରୀ । ଥରାଇ ଦେଉଛି କାଲୁଆ ପବନ । ଆଗାମୀ ୪-୫ ଦିନ ଯାଏଁ ଅଧିକାଂଶ ସ୍ଥାନରେ ରାତ୍ରି ତାପମାତ୍ରା ସ୍ୱଭାବିକଠାରୁ ୩-୪ ଡିଗ୍ରୀ କମ ରହିବ ।
ଗତ ୨୪ ଘଣ୍ଟା ମଧ୍ୟରେ ଦାରିଙ୍ଗବାଡିରେ ତାପମାତ୍ରା ୭.୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ସେହିପରି କୋରାପୁଟ ୭.୫ , ସୁନ୍ଦରଗଡ ୯.୫, ଟିଟଲାଗଡ ୯.୮, ଭବାନୀପାଟଣା ୧୦.୦, ସୋନପୁର ୧୦.୫, କେନ୍ଦୁଝର ୧୧.୦ , ବଲାଙ୍ଗୀର ୧୧.୦, ଅନୁଗୁଳ ୧୧.୦, ମାଲକାନଗିରି ୧୧.୫ ଏବଂ ଚାନ୍ଦବାଲି ଠାରେ ୧୧.୬ ରାତ୍ରୀ ତାପମାତ୍ରା ରେକର୍ଡ କରାଯାଇଛି ।
