ନୂଆଦିଲ୍ଲୀ (ଏଟିଆର ବ୍ୟୁରୋ); ସ୍ମାର୍ଟଫୋନ କମ୍ପାନୀ ରିଅଲମି ତାର ନୂତନ ସ୍ମାର୍ଟଫୋନ ରିଅଲମି ନାର୍ଜୋ ୫୦ ଭାରତରେ ଲଞ୍ଚ କରିଛି । ଏହି ଫୋନକୁ ମିଡିଆଟେକ ହିଲିଓ ଜି୯୬ ପ୍ରୋସେସର ସହିତ ଲଞ୍ଚ କରାଯାଇଛି ଏବଂ ଏଥିରେ ଆଇପିଏସ ଏଲସିଡି ଡିସପ୍ଲେ ଦିଆଯାଇଛି । ଯାହାର ରିଫ୍ରେସ ରେଟ ୧୨୦ଏଚଜେଡ ଏବଂ ଏହା ୬୦୦ ନିଟ୍ସ ବ୍ରାଇଟନେସକୁ ସପୋର୍ଟ କରିବ ।
ସୂଚନାଯୋଗ୍ୟ, ରିଅଲମି ନାର୍ଜୋ ୫୦ ପୂର୍ବରୁ କମ୍ପାନୀ ରିଅଲମି ନାର୍ଜୋ ୫୦ଆଇ ଏବଂ ରିଅଲମି ନାର୍ଜୋ ୫୦ଏ ଭଳି ସ୍ମାର୍ଟଫୋନ ଗତବର୍ଷ ଭାରତରେ ଲଞ୍ଚ କରିଥିଲା ।
ଯଦି ଦାମ୍ କଥା କହିବା ତେବେ ରିଅଲମି ନାର୍ଜୋ ୫୦ ର ୪ଜିବି ର୍ୟାମ ଓ ୬୪ ଜିବି ଇଂଟରନାଲ ଷ୍ଟୋରେଜ ଭ୍ୟାରଆଣ୍ଟର ଦାମ୍ ୧୨୯୯୯ ଟଙ୍କା ରଖାଯାଇଛି । ସେହିପରି ଏହାର ୬ଜିବି ର୍ୟାମ ଓ ୧୨୮ ଜିବି ଇଂଟରନାଲ ଷ୍ଟୋରେଜ ଭ୍ୟାରିଆଣ୍ଟର ଦାମ୍ ୧୫୯୯୯ ଟଙ୍କା ରଖାଯାଇଛି । ଏହି ଫୋନକୁ ସ୍ପିଡ ବ୍ଲାକ ଏବଂ ସ୍ପିଡ ବ୍ଲ୍ୟୁ କଲର ଅପ୍ସନ ସହିତ ଆପଣ କିଣି ପାରିବେ । ମାର୍ଚ୍ଚ ୩ ରୁ ଆମାଜନ ଏବଂ ରିଅଲମି ସାଇଟରେ ଏହି ଫୋନ ବିକ୍ରି ପାଇଁ ଉପଲବ୍ଧ ହେବ ।
