ଭୁବନେଶ୍ୱର (ଏଟିଆର ବ୍ୟୁରୋ): ଆଜି ରାଜ୍ୟରେ ଚାଲିଛି ପୌର ନିର୍ବାଚନ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜର ମତ ସାବ୍ୟସ୍ତ କରିଛନ୍ତି । ଭୁବନେଶ୍ୱର ୫୩ ନଂ ୱାର୍ଡର ୫୪୪ ନଂ ବୁଥରେ ଭୋଟ ଦେଇଛନ୍ତି ନବୀନ ପଟ୍ଟନାୟକ । ନବୀନ ନିବାସରୁ ଚାଲି ଚାଲି ଯାଇ ବୁଥରେ ନିଜର ମତଦାନ କରିଛନ୍ତି ମୁଖ୍ୟମନ୍ତ୍ରୀ । ଏହି ୱାର୍ଡରେ ମହାମାୟା ସ୍ୱାଇଁ ବିଜେଡିର କର୍ପୋରେଟର ପ୍ରାର୍ଥୀ ଏବଂ ନଳୀନି ପ୍ରଭା ଖଟେଇ ବିଜେପି କର୍ପୋରେଟର ପ୍ରାର୍ଥୀ ଏବଂ ନିବାସୀ ଦେଇ କଂଗ୍ରେସର କର୍ପୋରେଟର ପ୍ରାର୍ଥୀ ଭାବେ ଲଢୁଛନ୍ତି ।
ସୂଚନାଯୋଗ୍ୟ, ରାଜ୍ୟର ୪୭ଟି ମ୍ୟୁନିସିପାଲିଟି, ୫୯ଟି ଏନଏସି ଏବଂ ୩ଟି ମହାନଗର ନିଗମର କାଉଁସିଲର ଏବଂ କର୍ପୋରେଟର ଏବଂ ପୌରାଧ୍ୟକ୍ଷ/ ମେୟର ପଦବୀ ପାଇଁ ଆଜି ଭୋଟ ଗ୍ରହଣ କରାଯାଉଛି । ଅପରାହ୍ନ ୫ ଟା ଯାଏଁ ଭୋଟ ଗ୍ରହଣ କରାଯିବ ।
