ବ୍ରହ୍ମଗିରି (ଏଟିଆର ବ୍ୟୁରୋ): ୧୦୮ ଗରା ସୁବାଷିତ ଜଳରେ ସ୍ନାନ କରି ଏବେ ଜ୍ୱରରେ ପୀଡିତ ଶ୍ରୀଜିଉ । ଅଣସର ପିଣ୍ଡିରେ ଶ୍ରୀଜିଉଙ୍କ ଅସୁସ୍ଥତାର ଉପଚାର ପାଇଁ ଦଇତାପତି ସେବାୟତମାନେ ଲାଗି ପଡିଛନ୍ତି । ଆଜି ଶ୍ରୀଜିଉଙ୍କୁ ଶୁକ୍ଳବସ୍ତ୍ର ଲାଗି କରିଛନ୍ତି ସେବାୟତ । ଶୁକ୍ଳ ବସ୍ତ୍ର ପରିଧାନ କରି ଅଣସର ପିଣ୍ଡିରେ ବିଶ୍ରାମ ନେଉଛନ୍ତି ମହାପ୍ରଭୁ । ଦଇତାପତିମାନେ ମଧ୍ୟ ଶୁକ୍ଳ ବସ୍ତ୍ର ପିନ୍ଧି ଶ୍ରୀଜିଉଙ୍କ ସେବା କରିବାରେ ଲାଗି ପଡିଛନ୍ତି ।
ଏହାସହିତ ଆଜି ଶ୍ରୀଜିଉଙ୍କଠାରେ ଧଳା ଫୁଲ ଲାଗି ହୋଇଛି । ଅସୁସ୍ଥତା ହେତୁ ଶ୍ରୀଜିଉଙ୍କଠାରେ ତୁଳସୀ ଲାଗି ହୋଇନଥାଏ । ସେଥିପାଇଁ ଧଳା ଫୁଲ ଲାଗି କରାଯାଇଛି ।
