ପିଡିଏସ କିରୋସିନିର ମୂଲ୍ୟ ବୃଦ୍ଧି ପାଇଛି । ତୈଳ କମ୍ପାନୀମାନେ ଗତ ୧୬ ତାରିଖଠାରୁ କିରୋସିନିର ରେଟ ବଢାଇଥିବା ବେଳେ ସରକାର ପିଡିଏସ କିରୋସିନିର ଦର ଲିଟର ପିଛା ୨୫ପଇସା ବୃଦ୍ଧି କରିଛନ୍ତି । ଏହି ବାବଦରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ଆଜି ସମସ୍ତ ଜିଲ୍ଲାପାଳଙ୍କୁ ଜଣାଇ ଦିଆଯାଇଛି । ବିଭାଗ ପକ୍ଷରୁ ସୂଚନା ମିଳିଛି ଯେ ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ମନ୍ତ୍ରାଳୟ କିରୋସିନର ଖୁଚୁରା ବିକ୍ରୟ ମୂଲ୍ୟ ବୃଦ୍ଧି କରିବା ପରେ ପରବର୍ତ୍ତି ନିର୍ଦ୍ଦେଶନାମା ପର୍ଯ୍ୟନ୍ତ ଏହା ବଳବତ୍ତର ରହିବ । ରାଜ୍ୟର ସବୁ ଜିଲ୍ଲାରେ ପିଡିଏସ କିରୋସିନ ଦିଆଯାଉଥିବା ଲୋକଙ୍କୁ ଏହି ବିଷୟରେ ଅବଗତ କରାଯିବା ଲାଗି ଜିଲ୍ଲାପାଳଙ୍କୁ କୁହାଯାଇଛି ।
