ଭୁବନେଶ୍ୱର (ଏଟିଆର ବ୍ୟୁରୋ): ଯୁକ୍ତ ଦୁଇ ପ୍ରଥମ ବର୍ଷ ପାଠପଢା ଆଜିଠୁ ଆରମ୍ଭ ହୋଇଛି । ଏନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ସମସ୍ତ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷକଙ୍କୁ ଚିଠି କରାଯାଇଛି ।
ଚିଠିରେ ଉଲ୍ଲେଖ ଅଛି କି, ଆଜିଠୁ ୨୪ ତାରିଖ ଯାଏଁ ମଧ୍ୟ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରଙ୍କ ପାଇଁ ଇଣ୍ଡକ୍ସନ କ୍ଲାସ କରାଯିବ । ନିର୍ଦ୍ଧିଷ୍ଟ ବିଷୟବସ୍ତୁ ଉପରେ ଗୁରୁତ୍ୱ ଦିଆଯିବ । ନିୟମକାନୁନ ସମେତ ରାଗିଂ ସମ୍ବନ୍ଧରେ ଇଣ୍ଡକ୍ସନ କ୍ଲାସରେ ଛାତ୍ରଛାତ୍ରୀଙ୍କୁ ଶିକ୍ଷକମାନେ ଅବଗତ କରାଇବେ । ଏହାସହିତ ସିଲାବସ୍, ପାଠପଢା, ପରୀକ୍ଷା ସମ୍ବନ୍ଧରେ ପିଲାମାନଙ୍କୁ ଶିକ୍ଷକମାନେ ବୁଝାଇବେ ।
