ଯାଜପୁର (ଏଟିଆର ବ୍ୟୁରୋ): ଚାଲିଛି ଶାରଦୀୟ ନବରାତ୍ରୀ । ଏନେଇ ସମସ୍ତ ଶକ୍ତିପୀଠ ଚଳଚଞ୍ଚଳ ହୋଇପଡିଥିବା ବେଳେ ଝଙ୍କଡ ମା ଶାରଳାଙ୍କ ପୀଠ ମଧ୍ୟ ଚଳଚଞ୍ଚଳ ହୋଇପଡିଛି । ମାଙ୍କ ପୀଠରେ ଆଜି ମହାଷ୍ଟମୀ ପୂଜା । ଚଣ୍ଡିପାଠ, ମନ୍ତ୍ର ଧ୍ୱନିରେ ପ୍ରକମ୍ପିତ ହେଉଛି ପୁରା ପରିବେଶ ।
ମାଙ୍କ ପୀଠରେ ମୂଳାଷ୍ଟମୀଠାରୁ ଆରମ୍ଭ ହୋଇଥିବା ଏହି ପୂଜା ମହାଷ୍ଟମୀ ରେ ଶେଷ ହେବ । ଏହି ଅବସରରେ ମା ଆଜି ମହିଷାମର୍ଦ୍ଧିନୀ ବେଶରେ ଦର୍ଶନ ଦେଉଛନ୍ତି । ସେଥିପାଇଁ ମାଙ୍କର ଏହି ବେଶ ଦର୍ଶନ ପାଇଁ ପୀଠରେ ଶ୍ରଦ୍ଧାଳୁଙ୍କ ଭିଡ ଜମିଛି ।
ଅନ୍ୟପଟେ ମଣ୍ଡପମାନଙ୍କରେ ଆଜି ମା ମହାମାୟାଙ୍କ ମହାସପ୍ତମୀ ପୂଜା । ମାଙ୍କ ଦର୍ଶନ କରିବା ଲାଗି ମଣ୍ଡପରେ ଭକ୍ତଙ୍କ ସମାଗମ ଦେଖିବାକୁ ମିଳିଛି ।
