ଆଠଗଡ (ଏଟିଆର ବ୍ୟୁରୋ): ବାବା ଧବଳେଶ୍ୱରଙ୍କୁ ଭର୍ଚୁଆଲରେ ଦର୍ଶନ କରିବେ ଶ୍ରଦ୍ଧାଳୁ । ଏନେଇ ସ୍ୱତନ୍ତ୍ର ଭାବେ ଏଲଇଡି ଲାଇଟର ବ୍ୟବସ୍ଥା କରାଯାଇଛି । ଧବଳେଶ୍ୱର ପୀଠକୁ ଶ୍ରଦ୍ଧାଳୁଙ୍କୁ ଅନୁମତି ନଥିବାରୁ ବାବାଙ୍କ ଦର୍ଶନ ପାଇଁ ଜିଲ୍ଲା ପ୍ରଶାସନ ପକ୍ଷରୁ ଏଭଳି ବ୍ୟବସ୍ଥା କରାଯାଇଛି । ସ୍ଥିତି ସମୀକ୍ଷା କରିବା ପରେ ଜିଲ୍ଲାପାଳଙ୍କ ପକ୍ଷରୁ ଏହି ସୂଚନା ଦିଆଯାଇଛି ।
ପୀଠରେ କଟକଣା ଲାଗିଥିବା ହେତୁ ପୀଠକୁ କୌଣସି ଭକ୍ତଙ୍କୁ ଅନୁମତି ନାହିଁ । କେବଳ ବ୍ରାହ୍ମଣମାନେ ପୂଜାର୍ଚ୍ଚନା ପାଇଁ ଯାଇପାରିବେ ।
ସୂଚନା ମୁତାବକ, ଗୁଜୁରାଟ ମୋର୍ବି ପୋଲ ଦୁର୍ଘଟଣା ପରେ ଆଠଗଡ ଧବଳେଶ୍ୱର ପୀଠକୁ ସଂଯୋଗ କରୁଥିବା ଝୁଲା ପୋଲ ଉପରେ କଟକଣା ଲଗାଯାଇଛି ।
