ପୁରୀ (ଏଟିଆର ବ୍ୟୁରୋ): ଆଜିଠୁ ଶ୍ରୀମନ୍ଦିରରେ ମହାପ୍ରଭୁଙ୍କ ଦେବଦୀପାବଳି ନୀତି । ତିନିଦିନ ବ୍ୟାପି ଶ୍ରୀମନ୍ଦିରରେ ଏହି ନୀତି କରାଯିବ । ଏହିଅବସରରେ ମହାପ୍ରଭୁ ପିତୃପୁରୁଷଙ୍କ ଉଦ୍ଦେଶ୍ୟରେ ଦୀପଦାନ କରିବା ସହ ଶ୍ରାଦ୍ଧ ଦେବେ । ବିଧି ମୁତାବକ ଚତୁର୍ଦ୍ଦଶୀ, ଅମାବାସ୍ୟା ଓ ପ୍ରତିପଦା ରେ ଏହି ପାଳନ କରାଯିବ ।
ତିନିଦିନ ଧରି ମହାପ୍ରଭୁ ଶ୍ରାଦ୍ଧ ବେଶ ଧାରଣ କରି ପିତୃପୁରୁଷଙ୍କ ଉଦ୍ଦେଶ୍ୟରେ ଶ୍ରାଦ୍ଧ ଦେବେ । ଏହି ସମୟରେ ତିନିଦିନ ଯାକ ମହାଦ୍ୱୀପ ପ୍ରଜ୍ୱଳିତ କରାଯିବ । ସେଥିପାଇଁ ଏହାକୁ ଦେବଦୀପାବଳୀ ବୋଲି କୁହାଯାଏ ।
