ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତାକାଲି ଜଣାପଡିବ ପଦମପୁର ଉପନିର୍ବାଚନ ଫଳାଫଳ । ଏନେଇ ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଯିବ । ପ୍ରଥମେ ପୋଷ୍ଟାଲ କାଉଣ୍ଟିଂ ପୁଣି ସାଢେ ଆଠଟାରୁ ଇଭିଏମ ଗଣତି କରାଯିବ । ମୋଟ ୩୧୯ ଟି ବୁଥ ପାଇଁ ୧୪ ଟି ଟେବୁଲ ରେ ୨୩ ରାଉଣ୍ଡ ଗଣତି କରାଯିବ । ଏହାସହ ରିଟର୍ଣ୍ଣିଂ ଅଫିସରଙ୍କ ରହିବ ଗୋଟେ ଟେବୁଲ । ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି ।
ଗଣତି ପ୍ରକ୍ରିୟାରେ ୩ ଜଣ ଷ୍ଟାଫ , ପର୍ଯ୍ୟବେକ୍ଷକ ଏବଂ ନିର୍ବାଚନ କମିଶନର ଟେକ୍ନିକାଲ ବ୍ୟକ୍ତି ରହିବେ । ସେହିପରି ଭୋଟ ଗଣତି କେନ୍ଦ୍ରକୁ ମୋବାଇଲ ମନା ।
