ଏଟିଆର ବ୍ୟୁରୋ: କମ୍ବୋଡିଆର ଏକ ହୋଟେଲର କାସିନୋରେ ଭୟାବହ ଅଗ୍ନିକାଣ୍ଡ । ଏଥିରେ ୧୦ ଜଣ ଜିଅନ୍ତା ଜଳିଯିବା ସହ ୩୦ ଲୋକ ଗୁରୁତର ଭାବେ ଆହତ ହୋଇଛନ୍ତି । ସମସ୍ତ ଗୁରୁତରଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଏନେଇ କମ୍ବୋଡିଆ ପୋଲିସ ପକ୍ଷରୁ ସୂଚନା ଦିଆଯାଇଛି ।
ଖରବ ମୁତାବକ, ପୋୟପେଟ ର ଗ୍ରାଣ୍ଡ ଡାୟମଣ୍ଡ ସିଟି ହୋଟେଲରେ ବୁଧବାର ରାତିରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡ ଘଟଣାର ଅନେକ ଭିଡିଓ ସୋସିଆଲ ମିଡିଆରେ ସେୟାର କରାଯାଇଛି । ଯେଉଁଥିରେ ଲୋକେ ନିଜର ଜୀବନ ବଞ୍ଚାଇବା ପାଇଁ ହୋଟେଲ ମହଲାରୁ ଡେଉଁଥିବାର ନଜର ଆସୁଛନ୍ତି ।
ସେହିପରି ଅନେକ ଲୋକ ହୋଟେଲରେ ଫସି ରହିଥିବା ସୂଚନା ରହିଛି । ଏହାସହିତ ମୃତକଙ୍କ ସଂଖ୍ୟା ମଧ୍ୟ ବଢିପାରେ ବୋଲି କୁହାଯାଉଛି ।
