ମାଛ ମାରିବାକୁ ଯାଇ ଫେରିଲେନି ୬ଜଣ

ବାଲେଶ୍ୱର,(ଏଟିଆର ବ୍ୟୁରୋ): ସମୁଦ୍ରକୁ ମାଛ ମାରିବାକୁ ଯାଇ ୬ଜଣ ନିଖୋଜ । ଘଟଣା ଘଟିଛି ବାଲେଶ୍ୱର ଜିଲ୍ଲା ଜଳେଶ୍ୱର ଅଞ୍ଚଳରେ । ରିପୋର୍ଟ ଅନୁସାରେ, ଭୋଗରାଇ କୀର୍ତ୍ତନୀଆ ଜେଟିରୁ ୨ଟି ଡଙ୍ଗାରେ ମୋଟ ୧୭ଜଣ ମାଛ ମାରିବାକୁ ସମୁଦ୍ର ଭିତରକୁ ଯାଇଥିଲେ ।

ତେବେ ଅଚାନକ ଡଙ୍ଗାଟି ବୁଡିଯିବାରୁ ୧୧ଜଣ ପହଁରି ପହଁରି କୂଳରେ ପହଞ୍ଚିଥିଲେ । କିନ୍ତୁ ବାକି ୬ଜଣଙ୍କ କୌଣସି ପତ୍ତା ମିଳିନଥିଲା । ଅଗ୍ନିଶମ ବିଭାଗ ଓ ଓଡ୍ରାଫ ଟିମ ପହଞ୍ଚି ଏବେ ବି ତନାଘନା ଜାରି ରଖିଛନ୍ତି । ଶେଷ ଖବର ଅନୁସାରେ, ଜଣଙ୍କର ମୃତ ଦେହ ଠାବ ହୋଇଥିବା ଜଣାପଡିଛି ।