ନୂଆଦିଲ୍ଲୀ (ଏଟିଆର ବ୍ୟୁରୋ): ସାମସଙ୍ଗ କମ୍ପାନୀ ତାର ବାର୍ଷିକ ସବୁଠୁ ବଡ ଇଭେଣ୍ଟ ଆୟୋଜନ କରିଛି । ସାନ୍ ଫ୍ରାଂସିସ୍କୋରେ ଆୟେଜିତ ହୋଇଥିବା ଏହି ଇଭେଣ୍ଟରେ ଏକାସଙ୍ଗରେ ଅନେକ ଡିଭାଇସ ଲଞ୍ଚ ହୋଇଛି । ଏହାସହିତ ଏଥିରେ ୩ଟି ପ୍ରିମିୟମ ସ୍ମାର୍ଟଫୋନ ମଧ୍ୟ ଲଞ୍ଚ ହୋଇଛି । ସିରିଜ୍ ଅନୁଯାୟୀ କମ୍ପାନୀ ସାମସଙ୍ଗ ଗାଲାକ୍ସି ଏସ୨୩, ସାମସଙ୍ଗ ଗାଲାକ୍ସି ଏସ୨୩ ପ୍ଲସ ଏବଂ ସାମସଙ୍ଗ ଗାଲାକ୍ସି ଏସ୨୩ ଅଲ୍ଟ୍ରା ଲଞ୍ଚ କରିଛି କମ୍ପାନୀ ।
ସାମସଙ୍ଗ ଗାଲାକ୍ସି ଏସ୨୩:
– ସାମସଙ୍ଗ ଗାଲାକ୍ସି ଏସ୨୩ ସ୍ମାର୍ଟଫୋନ ୬.୧ ଇଂଚର ଫୁଲଏଚଡି + ଡିସପ୍ଲେ ସହିତ ଲଞ୍ଚ କରାଯାଇଛି । ଏଥିରେ ଏମୋଲେଡ ପ୍ୟାନେଲ ଏବଂ ୧୨୦ ହ୍ୟାର୍ଟଜ ରିଫ୍ରେଶ ରେଟ୍ ରହିଛି । ପ୍ରୋସେସିଙ୍ଗ ପାଇଁ ଫୋନରେ କ୍ୱାଲକମ ସ୍ନାପଡ୍ରାଗନ ୮ ଜେନ୍ ୨ ଚିପସେଟ ଦିଆଯାଇଛି । ଏଥିରେ ଟ୍ରିପଲ ରିୟର କ୍ୟାମେରା । ବ୍ୟାକ ପ୍ୟାନେଲରେ ଏଲଇଡି ଫ୍ଲାଶ ସହିତ ୫୦ ଏମପି ପ୍ରାଇମେରୀ ସେଂସର, ୧୨ ଏମପି ସେକେଣ୍ଡାରୀ ସେଂସର ଏବଂ ୧୦ ଏମପି ର ଥାର୍ଡ ଲେନ୍ସ ଦିଆଯାଇଛି । ଏହାସହିତ ୧୦ ଏମପି ର ଫ୍ରଣ୍ଟ କ୍ୟାମେରା ମଧ୍ୟ ଦିଆଯାଇଛି । ଏହାର ଦାମ୍ ପାଖପାଖି ୬୫,୪୮୬ ରହିବ ।
ସାମସଙ୍ଗ ଗାଲାକ୍ସି ଏସ୨୩ ପ୍ଲସ:
ଏହି ଫୋନରେ ଆପଣଙ୍କୁ ୬.୬ ଇଂଚର ଡିସପ୍ଲେ ମିଳିବ । ଏହାସହିତ କ୍ୱାଲକମ ସ୍ନାପଡ୍ରାଗନ ୮ ଜେନ୍ ୨ ପ୍ରୋସେସର । ଟ୍ରିପଲ ରିୟର କ୍ୟାମେରା ୫୦ଏମପି+ ୧୨ଏମପି +୧୦ଏମପି ଏବଂ ସେଲ୍ଫି ପାଇଁ ୧୨ଏମପି ଫ୍ରଣ୍ଟ କ୍ୟାମେରା । ଏହାର ଦାମ୍ ପାଖାପାଖି ୮୧,୮୭୮ ରହିବ
ସାମସଙ୍ଗ ଗାଲାକ୍ସି ଏସ୨୩ ଅଲ୍ଟ୍ରା:
ଏଥିରେ ୬.୮ ଇଂଚର ଡିସପ୍ଲେ ସାଙ୍ଗକୁ ଇନ୍-ଡିସପ୍ଲେ ଫିଙ୍ଗରପ୍ରିଣ୍ଟ ସେଂସର ଦିଆଯାଇଛି । ଅକ୍ଟକୋର ପ୍ରୋସେସର ଏବଂ କ୍ୱାଲକମ ସ୍ନାପଡ୍ରାଗନ ୮ ଜେନ ୨ ଚିପସେଟ । ଟ୍ରିପଲ ରିୟର କ୍ୟାମେରାରେ ୨୦୦ଏମପି +୧୨ ଏମପି +୧୦ ଏମପି ର କ୍ୟାମେରା ସେଟଅପ । ସେଲ୍ଫି ପାଇଁ ୧୨ ମେଗାପିକ୍ସଲ ର କ୍ୟାମେରା । ଏହାର ଦାମ୍ ୯୮,୨୭୧ ରହିବ ।
