ପୁରୀ (ଏଟିଆର ବ୍ୟୁରୋ): ଅଣସରପିଣ୍ଡିରେ ଚତୁର୍ଦ୍ଧ ବିଗ୍ରହ । ସ୍ନାନବେଦୀରେ ୧୦୮ ଗରା ସୁବାସିତ ଜଳରେ ଅତ୍ୟଧିକ ସ୍ନାନ କରିବା ପରେ ଜ୍ୱରରେ ପୀଡିତ ଶ୍ରୀଜିଉ । ଚାଲିଛି ଗୁପ୍ତ ଉପଚାର । ଦଇତାପତି ସେବାୟତମାନେ ଲାଗି ପଡିଛନ୍ତି ଦାରୁ ଦିଅଁଙ୍କ ଗୁପ୍ତ ସେବାରେ ।
୧୫ ଦିନ ଧରି ଅଣସର ପିଣ୍ଡିରେ ଚାଲିବ ଗୁପ୍ତ ଉପଚାର । ୧୫ ଦିନ ଯାକ ଶ୍ୱେତ ବସ୍ତ୍ର ଧାରଣ କରିବେ ଶ୍ରୀଜିଉ । ଲାଗି ହେବନି ତୁଳସୀ କେବଳ ଧଳା ଫୁଲ ଲାଗି କରାଯିବ । ଅଣସର ସମୟରେ କେବଳ ପଣା ଓ ଚକଟା ଭୋଗ ସହ ଫଳମୂଳ ଲାଗି ହୋଇଥାଏ ।
