ପୁରୀ (ଏଟିଆର ବ୍ୟୁରୋ): ବୁଧବାର ଭାଦ୍ରବ ମାସ କୃଷ୍ଣପକ୍ଷ ଅଷ୍ଟମୀ ତିଥି । ଏହି ଅବସରରେ ଶ୍ରୀମନ୍ଦିରରେ ପାଳିତ ହେବ ପବିତ୍ର ଶ୍ରୀକୃଷ୍ଣ ଜନ୍ମୋତ୍ସବ ନୀତି । ଏନେଇ ଆଜି ସନ୍ଧ୍ୟାରେ ଶ୍ରୀମନ୍ଦିରରେ ସନ୍ଧ୍ୟା ଆଳତୀ ସମୟରେ ଶ୍ରୀବିଗ୍ରହଙ୍କୁ ଛଅମୂର୍ତ୍ତି ଅଳଙ୍କାର ଲାଗି କରାଯିବ ।
ସନ୍ଧ୍ୟାଧୂପ ବଢିବା ପରେ ଜୟ ବିଜୟା ଦ୍ୱାର ବନ୍ଦ କରାଯାଇ ଟେରା ବନ୍ଧା ହେବ । ଏହାପରେ ମହାପ୍ରଭୁଙ୍କ ନିକଟରେ ଯେଉଡ ଭୋଗ(ତରକାରୀ, ସାଗ, ପିଠା,ଖୀରୀ,ଝିଲି) ରୋଷ ଘରୁ ଅଣାଯାଇ ଅଣସର ପିଣ୍ଡିରେ ରଖାଯିବ । ପୁଣି ମହାପ୍ରଭୁଙ୍କ ଶ୍ରୀଅଙ୍ଗରେ ପ୍ରସାଦ ଲାଗି କରିବେ ମୁଦିରସ୍ତ ସେବାୟତ ।
