ନୂଆଦିଲ୍ଲୀ (ଏଟିଆର ବ୍ୟୁରୋ): ଏସିଆ କପ୍ ହାତେଇଛି ଭାରତୀୟ କ୍ରିକେଟ ଟିମ୍ । ଭାରତୀୟ ଦଳର ଦ୍ରୁତଗାମୀ ବୋଲର ମହମ୍ମଦ ସିରାଜଙ୍କ ଘାତକ ବୋଲିଂରେ ଶ୍ରୀଲଙ୍କା ଦଳ ମୋଟ ୫୦ ରନ୍ କରିବାରେ ସକ୍ଷମ ହୋଇଥିଲା । ଏକାକୀ ସିରାଜ ୬ଟି ୱିକେଟ ନେଇଥିବା ବେଳେ ହାର୍ଦ୍ଦିକ ପାଣ୍ଡ୍ୟା ଓ ବୁମରା ଅବଶିଷ୍ଟ ୱିକେଟ ନେଇ ଶ୍ରୀଲଙ୍କା ଦଳକୁ ଧୂଳି ଚଟାଇଥିଲେ । ଭାରତୀୟ ଦଳର ଏହି ବିଜୟ ତଥା ସିରାଜଙ୍କ ଏହି ଘାତକ ବୋଲିଂ ଉପରେ ଖୁସୀର ରିଆକ୍ସନ ଦେଇଛନ୍ତି ଫିଲ୍ମ ଇଣ୍ଡଷ୍ଟ୍ରୀର ବଡବଡ ଷ୍ଟାର ।
ଶ୍ରଦ୍ଧା କପୁର, ଅନୁଷ୍କା ଶର୍ମା, ମହେଶ ବାବୁ, ଏସ୍ ରାଜମୌଲି, ଭିକି କୌଶାଲ ଭଳି ଅନେକ ଷ୍ଟାର ସେମାନଙ୍କ ସୋସିଆଲ ମିଡିଆରେ ପୋଷ୍ଟ ସେୟାର କରି ନିଜର ପ୍ରତିକ୍ରିୟା ରଖିଛନ୍ତି ।
ସମସ୍ତେ ଭାରତୀୟ ଦଳକୁ ଅଭିନନ୍ଦନ ଜଣାଇବା ସହିତ ସିରାଜଙ୍କ ବୋଲିଂ ପାଇଁ ପ୍ରଶଂସା କରୁଛନ୍ତି ।
