ମାଲକାନଗିରି (ଏଟିଆର ବ୍ୟୁରୋ); ପିକଅପ ଭ୍ୟାନ ଦୁର୍ଘଟଣା ହୋଇଛି । ଘଟଣାସ୍ଥଳରେ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ୧୨ ଜଣ ଗୁରୁତର ଆହତ ହୋଇଛନ୍ତି । ତେବେ ଏଭଳି ଏକ ଅଭାବନୀୟ ଘଟଣା ଘଟିଛି ମାଲକାନଗିରି ଜିଲ୍ଳା ପାଙ୍ଗମ ନିକଟରେ । ସ୍ଥାନୀୟ ଲୋକ ଆହତଙ୍କୁ ଉଦ୍ଧାର କରି ମେଡିକାଲକୁ ପଠାଇ ଦେଇଛନ୍ତି । ଗୁରୁତର ଆହତ ମାନଙ୍କୁ ମାଥାଲି ମେଡିକାଲରେ ଭର୍ତ୍ତି କରାଯାଇଛି । ସେପଟେ ଘଟଣାସ୍ଥଳରେ ତିନି ଜଣଙ୍କ ମୃତ୍ୟୁ ହୋଇଥିବା ଲୋକଙ୍କର ପରିଚୟ ମିଳିପାରି ନାହିଁ ।
ମିଳିଥିବା ସୂଚନା ମୁତାବକ ମାଲକାନଗିରି-ଗୋବିନ୍ଦପାଲ୍ଲୀ ରାସ୍ତା ପ୍ରବଳ ବେଗରେ ଯାଉଥିଲା ପିକଅପ ଭ୍ୟାନ । ଭାରସାମ୍ୟ ହରାଇ ପିକଅପ ଭ୍ୟାନଟି ପାଙ୍ଗାମା ଛକ ନିକଟରେ ଦୁର୍ଘଟଣା ଗସ୍ତ ହୋଇଥିବା ସ୍ଥାନୀୟ ଲୋକ କହିଛନ୍ତି । ଦୁର୍ଘଟଣା ଘଟିବା ପରେ ପ୍ରଥମେ ସ୍ଥାନୀୟ ଲୋକ ଆହତ ମାନଙ୍କୁ ଉଦ୍ଧାର କରିଥିଲେ । ଏବଂ ମେଡିକାଲକୁ ପଠାଇଥିଲେ । ପରେ ପୋଲିସକୁ ଖବର ଦେଇଥିଲେ । ଏଣୁ ପୋଲିସ ଘଟଣାସ୍ଥଳରେ ପହଁଞ୍ଚି ମୃତଦେହକୁ ଉଦ୍ଧାର କରିଛି । ସେପଟେ କେତେକ ଲୋକ ଡ୍ରାଇଭର ମଦ ପିଇ ଗାଡି ଚଳାଉଥିବାରୁ ଏହି ଦୁର୍ଘଟଣା ହୋଇଥିବା ଅଭିଯୋଗ କରିଛନ୍ତି । ତେବେ ଘଟଣାସ୍ଥଳରେ ତିନି ଜଣଙ୍କର ମୃତ୍ୟୁ ହୋଇଥିବାରୁ ସମସ୍ତଙ୍କ ମନରେ ଦୁଃଖର ଛାୟା ଖେଳି ଯାଇଛି ।
ଦୀର୍ଘଦିନ ହେବ ଲାଗି ରହିଛି ଦୁର୍ଘଟଣା । ସେ ବସ ହେଉ ବା ବାଇକ । ଦୁର୍ଘଟଣାରେ ଚାଲି ଯାଉଛି ବହୁ ଲୋକଙ୍କ ଜୀବନ । ୨୦୧୮ ବର୍ଷର ଶେଷ ମାସଠାରୁ ଏଭଳି ନିୟମିତ ଭାବରେ ଦୁର୍ଘଟଣା ଲାଗି ରହିଛି । ରାଜ୍ୟର ସବୁ କୋଣ ଅନୁକୋଣରେ ପ୍ରତ୍ୟେକ ଦିନ ଦୁର୍ଘଟଣାରେ ଲୋକଙ୍କ ଜୀବନ ଚାଲି ଯାଉଥିବା ଖବର ନଜରକୁ ଆସୁଛି । ମଝିରେ କିଛିଦିନ ବାରମ୍ବାର ଗୋଟିଏ ପରେ ଗୋଟିଏ ବସ ଦୁର୍ଘଟଣା ଘଟୁଥିଲା । ଏବଂ ବହୁ ଲୋକଙ୍କ ଜୀବନ ଚାଲି ଯାଉଥିବା ଦେଖିବାକୁ ମିଳିଛି ।
