କୋରାପୁଟ(ଏଟିଆର ବ୍ୟୁରୋ): ବାର୍ଥ ଡେ ସେଲିବ୍ରସନ ହେଲା କାଳ! । ଡ୍ୟାମରେ ବୁଡି ତିନି ମୃତ, ତିନି ଗୁରୁତର । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲାରେ । କୋରାପୁଟ ଜିଲ୍ଲାରେ ଥିବା କୋଲାବ ଡ୍ୟାମରେ ବୁଡି ତିନି ଜଣ ଛାତ୍ରଙ୍କ ଜୀବନ ଚାଲିଯାଇଛି । ସୂଚନା ଅନୁସାରେ ଏକ ବନ୍ଧୁର ଜନ୍ମଦିନ ପାଳନ କରିବାକୁ କିଛି ଛାତ୍ରଛାତ୍ରୀ ମାନେ କୋଲାବ ଡ୍ୟାମ ଯାଇଥିଲେ । ହେଲେ ସେଠାରେ ଅଚାନକ ୩ଜଣ ଛାତ୍ରଙ୍କ ଗୋଡ ଡ୍ୟାମ ଭିତରକୁ ଖସି ଯାଇଥିଲା ।
ସାଙ୍ଗଙ୍କୁ ବଞ୍ଚାଇବା ପାଇଁ ଅନ୍ୟ ଛାତ୍ର ଛାତ୍ରୀ ମାନେ ଚେଷ୍ଟା କରିଥିଲେ ମାତ୍ର ଏଥିରେ ବିଫଳ ହୋଇଥିଲେ । ତେବେ ଖବରପାଇ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚିଥିଲା । ଘଟଣା ସ୍ଥଳରୁ ଅଗ୍ନିଶମ ବିଭାଗ ପକ୍ଷରୁ ୩ ଜଣଙ୍କ ମୃତ ଦେହ ଉଦ୍ଧାର କରାଯାଇଥିବା ବେଳେ ଗୁରୁତର ଥିବା ଛାତ୍ରୀ ମାନଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ସମସ୍ତ ଛାତ୍ରଛାତ୍ରୀ ମାନେ ସ୍ଥାନୀୟ ଡିଏଭି କଲେଜର ବୋଲି ଜଣାପଡିଛି ।
